Aýa raıy
Astana -16 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda ýaqytsha jumyssyzdar 145 myńǵa azaıdy

2020 jyldyń 25 qarasha 2020 14:45

NUR-SULTAN. QazAqparat - Qazaqstanda 2020 jyldyń úshinshi toqsanynda jumyspen ýaqytsha qamtylmaǵan azamattar sany 145,4 myń adamǵa azaıdy, dep habarlaıdy QazAqparat Eńbek resýrstaryn damytý ortalyǵyna silteme jasap.

Eger 2-toqsanda bul sanatqa jarty mıllıonnan astam adam kirgen bolsa, shilde men qyrkúıek aralyǵynda ýaqytsha jumyssyz 390,3 myń adam bolǵan.

Bul rette 2019 jyldyń uqsas kezeńimen salystyrǵanda bul kórsetkish 2 eseden astam ulǵaıǵan – ótken jyly ol 162,7 myń adamdy qurady.

«Karantın kezeńinde qosymsha shekteýdi eskergende, jumysta ýaqytsha bolmaǵan azamattar sanynyń ósýi qısyndy. Sonymen birge, osy sanattaǵy dınamıkaǵa shekteý sharalarynyń birtindep álsireýi jáne 3-toqsanda jumysqa ishinara oralý oń áser etti», - dep atap ótti «Eńbek resýrstaryn damytý ortalyǵy» « AQ Strategııa jáne jobalyq basqarý departamentiniń dırektory Aleksandra Molchanovskaıa.

Sondaı-aq sarapshy bıylǵy jyldyń 3-toqsanynda «jumyspen ýaqytsha qamtylmaǵandardyń» úshten bir bóligi mekemeniń «qyzmetin ýaqytsha toqtata turý» sebepti jumys istemegenin habarlady.

Budan basqa, tolyq jumyspen qamtylmaǵandardyń sany bir jarym esege, al eń az ýaqyt (aptasyna 10 saǵattan az) jumys isteıtinderdiń sany 2020 jyldyń birinshi toqsanymen salystyrǵanda 2,7 esege jáne jumyspen qamtylǵan halyqtyń sany (8,7 mln. adam) is júzinde tolyq saqtala otyryp, ótken jyldyń úshinshi toqsanymen salystyrǵanda eki esege ósti.

«Biz basqa elderdegi jaǵdaıdy muqııat baqylaımyz. Qazaqstanda halyqty qoldaý sharalary basqa elderge qaraǵanda nashar emes, keıde tipti jaqsy dep te sanaımyz. Memlekettik baǵdarlamalar, sonyń ishinde daǵdarysqa qarsy baǵdarlama burynǵy kólemde bolmasa da, halyqqa kirisin saqtaýǵa múmkindik beredi», – dedi Aleksandra Molchanovskaıa.


Basty sózder: Statıstıka, Jumyspen qamtý,
Joǵary qaraı