Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda turǵyn úı baǵdarlamasyna qatysty tabys koeffıtsıenti ózgerýi múmkin

2021 jyldyń 13 qazan 2021 23:27

NUR-SULTAN. QazAqparat – Elimizde turǵyn úı baǵdarlamasyna qatysty tabys koeffıtsıenti ózgerýi múmkin. Bul týraly «Otbasy banki» AQ basqarma tóraǵasy Lázzat Ibragımova málim etti, dep QazAqparat tilshisi.

Atalǵan bank basshysy Baigenews.kz aqparat agenttigi jobasynyń keshki tikeleı efırine qatysty. Áńgime qazaqstandyqtardy turǵyn úımen qamtý máselesine arnaldy.

Suhbat barysynda qonaqqa «Nurly jer» jáne «Shańyraq 5-10-20» memlekettik baǵdarlamalary boıynsha turǵyn úı satyp alýǵa eń tómengi kúnkóris deńgeıiniń 3,7 bolyp belgilengen koeffıtsıent kedergi bolyp otyr, osy oraıda shartty qaıta qaraý máselesi qaralyp jatqan joq pa degen saýal qoıyldy.

«Bul zań osydan 25 jyl qabyldanǵan bolýy kerek. Ol kezde kommertsııalyq kompanııa qyzmetkerleriniń tabysy joǵary boldy. Qazir jaǵdaıda basqasha. Búginde memlekettik men bıýdjet qyzmetkerleriniń tabys kólemi turaqty, biraq joǵary emes», - dep jaýap berdi Lázzat Ibragımova.

Onyń aıtýynsha, atalǵan turǵyn úı baǵdarlamasyna qatysýshylardyń tabys kólemine qatysty shekteý bar.

«Eger úı kezeginde turǵan memlekettik qyzmetker kelip, mysaly, men departament basshysymyn tabysym 500 myń teńge, áıelimniń tabysy 400 myń teńge jáne 2 balamyz bar dese. Árıne, ol kisiniń ótinishi qanaǵattandyrylmaıdy. Óıtkeni otbasylyq tabys 1 mln-ǵa jýyqtap tur. Sol úshinde eń tómengi kúnkóris deńgeıi 3,7 koeffıtsıentimen belgilendi. Bul shart 2 jyldan astam saqtalyp keledi. Biz qazir eń tómengi kúnkóris deńgeıin 3,7-den 6 koeffıtsıentke deıin arttyrýdy qarastyryp jatyrmyz», - deıdi ol.

Buǵan deıin «Otbasy banki» basshysy elimizde áıelder ıpotekasy qalaı júzege asyp jatqanyn aıtyp berdi.

Odan bólek , L. Ibragımova «Elorda jastary» turǵyn úı baǵdarlamasyna qatysty pikir bildirdi.



Avtor Álı Ibraev
Basty sózder: Turǵyn úı, Bankter,
Joǵary qaraı