Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda temirjol arqyly júk tasymaly kólemin arttyrý jumystary júrgizilýde

2021 jyldyń 16 qazan 2021 06:18

NUR-SULTAN. QazAqparat - «QTJ» UK» AQ temir joldyń ótkizý qabiletin arttyrý úshin ınfraqurylymdy kúsheıtý boıynsha jobalardy iske asyrýda, dep habarlaıdy QR IIDM baspasóz qyzmeti.

Aǵymdaǵy jyly Dostyq-Moıynty temirjol jelisin jańǵyrtý bastaldy. Joba 2025 jylǵa deıingi «Qýatty óńirler – el damýynyń draıveri» Ulttyq jobasy» strategııalyq qujatyna engizilgen. Ony júzege asyrý poıyzdar qozǵalysy jyldamdyǵyn táýligine 1500 km-ge deıin arttyrýǵa jáne Qazaqstan aýmaǵy arqyly Qytaı– Eýropa negizgi tranzıttik dáliziniń ótkizý qabiletin ulǵaıtýǵa múmkindik beredi.

2022 jyly Almaty aınalasynda aınalma jeli qurylysyn bastaý josparlanýda. Joba tranzıttik júk aǵynyn jańa qysqa baǵytqa aýystyrýǵa, qozǵalys jyldamdyǵyn arttyrýǵa jáne Almaty-1 stantsııasy júktemesin 40% deıin túsirýge múmkindik beredi.

Sonymen qatar, Ózbekstanmen shekarada ótkizý qabiletin arttyrý úshin Darbaza-Maqtaaral jelisi salynady. Jańa jeli Ózbekstanmen qatynasta júkterdiń qosymsha kólemin tartý múmkindigin qamtamasyz etedi jáne Saryaǵash–Keles shekara ótkelindegi júktemeni tómendetedi.


Joǵary qaraı