Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda temir joldan belgilenbegen jerden ótkeni úshin 23 myńnan astam adam jaýapkershilikke tartyldy

2021 jyldyń 24 qarasha 2021 15:21

NUR-SULTAN. QazAqparat – Qazaqstanda temir joldan belgilenbegen jerden ótkeni úshin 23 myńnan astam adam ákimshilik jaýapkershilikke tartyldy, dep habarlaıdy QazAqparat tilshisi.

QR ІІM Kóliktegi polıtsııa departamentiniń baspasóz qyzmeti málim etkenindeı, bıylǵy on aıda temir jolda jaraqat alýdyń 98 deregi tirkelip, 66 adam qaza tapty. Sonyń altaýy – balalar.

Kóliktegi polıtsııa departamenti ákimshilik polıtsııa basqarmasynyń bólim bastyǵy Qaırat Aqmurzaevtyń aıtýynsha, poıyzdardyń adamdy qaǵyp ketýi, ásirese, Almaty (14 derek), Oral (13), Shymkent (11) jáne Qaraǵandy-Sortırovochnaıa stansalarynda jıi tirkelip otyr.

Onyń sózine qaraǵanda, jazataıy oqıǵalardyń basty sebebi – temir joldan belgilenbegen jerden ótý, qaýipsizdik erejesin saqtamaý.

«Adamdar temir joldan belgilenbegen jerden ótken kezde óziniń ómirine qaýip tóndirip qana qoımaı, poıyz qozǵalysyna da kedergi keltiredi. Mashınıster poıyzdy shuǵyl toqtatyp, sonyń saldarynan vagondar relsten shyǵyp ketýi, basqa da oqys oqıǵalarǵa soqtyrýy yqtımal», dedi Q.Aqmurzaev.

Jyl basynan beri 23 myńnan astam adamnyń ákimshilik jaýapkershilikke tartylyp, tıisti sharalardyń qoldanylǵanyna qaramastan, poıyzdy shuǵyl toqtatý deregi azaımaı otyr. Osy merzimde 2271 ret poıyz shuǵyl toqtatylǵan. Oǵan kináli adamdar (500), sondaı-aq úı janýarlary (1708).

«Ásirese, balalardyń jazataıym oqıǵaǵa dýshar bolýy erekshe alańdatyp otyr. Qys kezinde balalar temir jol mańyn oıyn alańyna jıi aınaldyrady. Sondyqtan ata-analar balalaryn nazardan tys qaldyrmaǵany jón», dep túıindedi sózin polıtsııa podpolkovnıgi.

Eske sala keteıik, budan buryn Oralda poıyz qaǵyp ketken áıeldiń aýrýhanaǵa jetkizilgenin jazǵan bolatynbyz.


Avtor Eljan Eraly
Basty sózder: Qoǵam, Kólik, QTJ,
Joǵary qaraı