Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda teleradıoarnalardy retranslıatsııalaý ýaqytsha toqtatylady

2021 jyldyń 11 qazan 2021 09:27

NUR-SULTAN. QazAqparat – 20 qazanda Qazaqstannyń barlyq aýmaǵynda teleradıoarnalardy retranslıatsııalaý ýaqytsha toqtatylady, dep habarlaıdy QazAqparat Qazaqteleradıoǵa silteme jasap.

«Teleradıo habarlaryn taratý jelilerinde josparly-profılaktıkalyq jumystar 2021 jyldyń 20 qazan aıynda saǵat 03:00 men 17:00 aralyǵynda jerseriktik, tsıfrlyq jáne analogty efırlik jelilerdiń tehnıkalyq quraldaryndaǵy servıster jabylyp, josparly-profılaktıkalyq jumystar júrgiziledi. Osyǵan baılanysty, ıaǵnı jumystar júrgizilgen kezde Qazaqstannyń barlyq aýmaǵynda teleradıoarnalardy retranslıatsııalaý ýaqytsha toqtatylady», - delingen taratylǵan habarlamada.

Jalpy mundaı jumystar toqsan saıyn jerseriktik jáne efırlik jelilerdiń tehnıkalyq quraldarynda servısterdi jaba otyryp, josparly-profılaktıkalyq jumystar júrgizedi. Bul jumystar teleradıo habarlaryn sapaly taratýdy qamtamasyz etý úshin qajet, al toqsan saıynǵy josparly-profılaktıkalyq jumystar servısti uzaq ýaqyt óshirýge múmkindik beredi, sondyqtan osy ýaqyt ishinde tehnıkalyq quraldardy jańǵyrtý boıynsha qosymsha jumystar da júzege asyrylady.


Basty sózder: Basqa memorgandar, BAQ,
Joǵary qaraı