Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda taǵy 3 qarjy pıramıdasynyń basshylary sottaldy

2021 jyldyń 2 qarasha 2021 09:55

NUR-SULTAN. QazAqparat – Batys Qazaqstan oblysynda 400-den astam adam «Lıder», «Altyn Tumar», «Uly bolashaq» qarjy pıramıdalaryna aldanǵan, dep habarlaıdy QazAqparat tilshisi.

Bul týraly QR Qarjylyq monıtorıng agenttiginiń baspasóz qyzmetinen málim etti.

«Qarjylyq monıtorıng agenttiginiń Batys Qazaqstan oblysy boıynsha aýmaqtyq departamentiniń qyzmetkerleri qarjy pıramıdasyn uıymdastyrýshylardyń qyzmetin toqtatty. Oral qalasynyń eki turǵyny «Lıder», «Altyn Tumar» jáne «Uly bolashaq» qarjy pıramıdalaryn uıymdastyryp, olarǵa azamattardyń qarajatyn tartqan. Osylaısha olar WhatsApp jelisinde chat quryp, 7 kún ishinde salynǵan qarajattan 100% asatyn syıaqy alýdy usynǵan», - dep jazady agenttiktiń baspasóz qyzmeti.

Ońaı tabys týraly jarnamaǵa aldanǵandar aqshany qolma-qol da bergen, Kaspi Gold kartasyna da aýdaryp otyrǵan.

«Tergeý barysynda bir salymshyǵa basqa salymshylardyń esebinen shynymen de tabys túskeni anyqtaldy. «Lıder», «Altyn Tumar» jáne «Uly bolashaq» qarjy pıramıdalaryna 435 salymshynyń 63 mıllıon teńgeden astam qarajaty tartylǵan. Pıramıdany uıymdastyrýshylar 5 jylǵa bas bostandyǵynan aıyryldy», - dep jazylǵan resmı málimette.


Joǵary qaraı