Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda sot júıesin qarjylandyrý tártibi ózgeredi

2021 jyldyń 5 qarasha 2021 16:57

NUR-SULTAN. QazAqparat – QR Joǵarǵy Sotynyń resmı ókili Aıdos Sádýaqasov sot júıesin qarjylandyrýdaǵy ózgerister týraly aıtyp berdi, dep habarlaıdy QazAqparat tilshisi.

«Ózderińiz bilesizder, búkil álemde sot júıesi Parlamentke, Úkimetke jáne basqa da organdarǵa táýeldi emes. Al biz sot júıesiniń bıýdjetine qatysty qarjylandyrý, materıaldyq-tehnıkalyq máseleler boıynsha áli kúnge deıin Úkimetke, Qarjy mınıstrligine jyl saıyn ótinim berip, belgili bir lımıt deńgeıinde jumys istep kelemiz. Bul árıne durys emes. Óıtkeni bul «Sýdıanyń táýelsizdigi» dep atalatyn konstıtýtsııalyq prıntsıpke qaıshy keledi», - dedi spıker Ortalyq kommýnıkatsııalar qyzmetindegi baspasóz máslıhatynda.

Spıkerdiń aıtýynsha, bul másele Sýdıalardyń 8-sezinde kóterilgen jáne ony Q. Toqaev qoldap, Úkimetke tapsyrma berilip, tıisti zań jobasy Parlamentke engizilgen.

«Nátıjesinde kelesi jyldan bastap, sot júıesiniń bıýdjeti absolıýtti tsıfr turǵysynda emes, barlyq memorgandarǵa bólinetin shyǵys qarajatynyń 6,5 paıyzy kóleminde avtomatty túrde bólinetin boldy. Bul sharanyń nátıjesinde sot júıesi jergilikti ákimdikterden, Úkimetten, Parlamentten táýelsiz bolyp, sot júıesiniń bedeli men óz múmkindikteri artatyn bolady», - dedi A. Sádýaqasov.

Buǵan deıin Aıdos Sádýaqasov sot júıesindegi birqatar jańashyldyqtardy baıandaǵan edi. «Aýmaqaralyq sottylyq» jobasynda sot isi bir óńir aıasynda emes, tutas respýblıka sheńberinde qarastyrylady. Kez kelgen isti sýdıalarǵa tóraǵa emes, IT-júıe kezdeısoq tásilmen bóledi.

Al sýdıanyń qaraýyn talap etpeıtin daýsyz ister boıynsha robot sheshim shyǵarady. «Tsıfrlyq taldaý» jobasynda azamattar uqsas daýlardyń qalaı qaralǵanyn, onda qandaı sheshimder qabyldanǵanyn bile alady.

Sondaı-aq, Qazaqstanda sýdıalardyń jeke qasıeti men kásibı deńgeıi qaralyp, 300-den astam vakansııa bosaǵan.



Avtor Aıjan Serikjanqyzy
Basty sózder: Sot, QR Joǵarǵy soty, Qarjy,
Joǵary qaraı