Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda sońǵy qońyraý qalaı ótetini belgili boldy

2021 jyldyń 11 mamyr 2021 12:16

NUR-SULTAN. QazAqparat – Sońǵy qońyraý aıasynda muǵalimderge syılyq alýǵa tyıym salynǵan. Bul týraly QR Bilim jáne ǵylym vıtse-mınıstri Sholpan Karınova málim etti, dep habarlaıdy QazAqparat tilshisi.

«Sońǵy qońyraý ádettegideı 25 mamyrda ótkiziledi. Bıylǵy shekteý is-sharalary eskerilip, birneshe format usynylmaq. Birinshiden, dástúrli túrde ashyq taza aýada 9 jáne 11-synyp oqýshylary úshin, sondaı-aq 300-ge deıin oqýshysy bar ári osy ýaqytqa deıin shtattyq rejımde oqytyp kele jatqan mektepter ótkize alady. Sonymen qatar, eki nusqa usynylyp otyr, ıaǵnı synyp ishinde nemese onlaın túrde ótkizý qarastyrylǵan. Qajet dep sanasa, synyp ishinde ótkizý nusqasy usynylady. Al qashyqtan oqytyp jatqandar úshin sońǵy qońyraý merekesi onlaın rejımde bolady», - Sh. Karınova mınıstrliktiń apparat jınalysynda.

Munymen qosa ol oqý jylynyń aıaqtalýyna baılanysty pedagogıkalyq qaǵıdatty saqtaý úshin ártúrli syılyqtardy alýǵa ruqsat etilmeıtinin eske saldy.

«Jalpy, sońǵy qońyraýdy ótkizýdiń negizgi maqsaty – barlyq mektep oqýshylary úshin belgili bir synypty aıaqtap, kelesi synypqa ótý jáne jazǵy demalystyń bastalýy. Al mektep túlekteri 9 jáne 11 synyptar úshin mektep bitirý is-sharasy bolyp sanalady. Atap aıtqanda, shtattyq rejımde (sońǵy qońyraý) ótkiziletin jaǵdaıda barlyq sanıtarlyq talaptardyń qatań saqtalýyn mektep ákimshiligi nazarǵa alýy tıis. Ár oqýshymen, ár mektep bitirýshimen keletin ata-ananyń sany birden aspaýy kerek. Munyń ózi sanıtarlyq talaptardy saqtaýǵa múmkindik beredi», - dedi vıtse-mınıstr.


Joǵary qaraı