Aýa raıy
Astana -16 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda sońǵy aıda 700-den astam medqyzmetker koronavırýs juqtyrǵan

2020 jyldyń 27 qarasha 2020 19:11

NUR-SULTAN. QazAqparat – QR DSM Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova Qazaqstanda sońǵy aıda 747 medıtsına qyzmetkeri koronavırýs juqtyrǵanyn málim etti, dep habarlaıdy QazAqparat tilshisi.

«20 qazannan bastap 747 medıtsınalyq qyzmetker aýrýdy juqtyrdy. Epıdemıologııalyq tergeý nátıjeleri boıynsha 118 adam ózderiniń kásibı qyzmetine baılanysty koronavırýs ınfektsııasyn juqtyrǵan. Qalǵan medıtsına qyzmetkerleriniń juqtyrý jaǵdaıy kásibı qyzmetine baılanysty emes», - dedi Aıjan Esmaǵambetova.

Eske sala ketsek Alekseı Tsoı «Qazaqstanda jeltoqsan nemese qańtar aılarynda qatań karantın sharalary engizilýi múmkin be» degen suraqqa jaýap bergen bolatyn.

«Apta saıyn málimetterdi zerttep, aldaǵy kezeńderge de boljam jasap jatyrmyz. Qazir kórip otyrǵanymyzdaı, Qazaqstanda karantın sharalaryn jeltoqsan nemese qańtar aılarynda engizý máselesi jaǵdaıdy qanshalyqty baqylaýda ustaı alatynymyzǵa baılanysty bolady. Qazir koronavırýs órshigen keıbir óńirde juqtyrý deńgeıi tómendep kele jatqanyn baıqap otyrmyz. Shyǵys Qazaqstanda máselen jaǵdaı rettelip, juqtyrý deńgeıiniń tómendeý tendentsııasyn baqylaýdamyz», - dedi Alekseı Tsoı.


Joǵary qaraı