Aýa raıy
Astana 8 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda sońǵy aptalarda jedel járdemge júginý eki ese azaıdy

2020 jyldyń 3 tamyz 2020 11:45

NUR-SULTAN. QazAqparat – Densaýlyq saqtaý mınıstri Alekseı Tsoı Qazaqstanda jedel járdem qyzmetine júginý jaǵdaıy edáýir azaıǵanyn málim etti, dep habarlaıdy QazAqparat tilshisi.

«Bizdegi taǵy bir jaǵymdy jańalyq – ınfektsııalyq jáne provızorlyq tósek oryndardyń tolymdylyǵynyń azaıýy. Osy jyldyń maýsym aıynda eldegi keıbir aýrýhanada jaǵdaı qatty ýshyǵyp ketken edi. Búgingi tańda statsıonarlardyń 34 paıyzynda ǵana naýqastar jatyr. Buǵan tósek oryndarynyń qoryn 48 997-ge deıin arttyrý esebinen qol jetkizilip otyr. Osylaısha Qazaqstannyń 7 óńirinde 15 statsıonar jabylyp, qaıta qurylymdaldy», - dedi Alekseı Tsoı OKQ-da ótken baspasóz máslıhatynda.

Mınıstrdiń aıtýynsha osyndaı jaıly dınamıka jedel járdem qyzmeti salasynda da baıqalady.

«Maýsym aıynyń sońynda respýblıkada jedel járdem qyzmetin shaqyrýdyń jaǵdaıy 30 myńǵa deıin jetip edi. Karantınniń sońǵy eki aptasynda jedel járdem qyzmetine júginýdiń jalpy jaǵdaıy eki ese azaıdy», - dedi ol.

Alekseı Tsoı indetpen tek statsıonarlar arqyly kúresý óte kúrdeli ekenin jetkizdi.

«Bul rette dárigerlerdiń altynǵa bergisiz erejesin este ustaǵan abzal: aýyryp em izdegenshe, árdaıym aýyrmaýdyń amalyn izdegen durys. Eń birinshi kezekte bul COVID-19 aýrýyna tikeleı baılanysty támsil», - dedi Alekseı Tsoı.


Joǵary qaraı