Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda sońǵy 4 jylda «kóleńkeli» ekonomıka 29-dan 20 paıyzǵa deıin tómendegen

2021 jyldyń 20 qyrkúıek 2021 16:56

NUR-SULTAN. QazAqparat – Memleket basshysy Qarjylyq monıtorıng agenttiginiń tóraǵasy Janat Elımanovty qabyldady, dep habarlaıdy QazAqparat Aqordanyń resmı saıtyna silteme jasap.

Prezıdentke Agenttiktiń «kóleńkeli» ekonomıkaǵa qarsy is-qımyl boıynsha atqarǵan jumystarynyń qorytyndylary týraly málimet berildi.

Qasym-Jomart Toqaevqa bıylǵy 8 aıda 1508 ekonomıkalyq quqyq buzýshylyq anyqtalǵany, onyń 803-i aýyr jáne asa aýyr qylmystar sanatyna jatatyny jóninde baıandaldy. 36 uıymdasqan qylmystyq toptyń áreketterine tosqaýyl qoıylǵan. Alkogol ónimderin shyǵaratyn 26 jasyryn tseh pen 224 zańsyz oıynhana jabylǵan.

Agenttik tóraǵasynyń aıtýynsha, sońǵy 4 jylda «kóleńkeli» ekonomıka 29 paıyzdan 20 paıyzǵa deıin tómendegen.

Memleket basshysynyń tapsyrmasy boıynsha Úkimet Kóleńkeli ekonomıkaǵa qarsy is-qımyldyń aldaǵy 3 jylǵa arnalǵan keshendi josparyn bekitti.

Janat Elımanov áleýmettik mańyzy bar baǵyttar boıynsha da jumystar jalǵasyp jatqanyn aıtty. Atap aıtqanda, azyq-túlik baǵalarynyń kóterilmeýin qamtamasyz etýge tıis turaqtandyrý qorlaryn qurý úshin bólingen bıýdjet qarajatyn jymqyrýdyń 5 deregi anyqtalǵan. Taraz qalasynda jylý, Qyzylorda qalasynda gaz tasymaly tarıfteriniń negizsiz kóterilýine jol berilmedi. Balalarǵa arnalǵan mamandandyrylǵan jáne medıtsınalyq-áleýmettik mekemelerdiń laýazymdy tulǵalaryna qatysty 36 sotqa deıingi tergep-tekserý isi bastaldy. Olar 376 mıllıon teńge kóleminde zalal keltirgen.

Kezdesý qorytyndysy boıynsha Memleket basshysy birqatar naqty tapsyrma berdi.


Basty sózder: Qazaqstan Prezıdenti, Aqorda,
Joǵary qaraı