Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda otbasynyń ál-aýqatyn baǵalaý ádistemesi ázirlendi

2022 jyldyń 26 sáýir 2022 17:08

NUR-SULTAN. Qazaqparat - Qazaqstanda otbasynyń ál-aýqatynyń deńgeıin anyqtaý jáne qoldaý sharalaryn kórsetý ádistemesi ázirlegendi, dep habarlaıdy QazAqparat.

Eńbek jáne halyqty áleýmettik qorǵaý mınıstri Tamara Dúısenovanyń aıtýynsha, ol Sabına Alkıre men Djeıms Foster jasaǵan kóp ólshemdi kedeılikti ólsheý ádisine negizdelgen. Bul ádis turǵyndardyń qaı sanaty qandaı parametrler boıynsha kedeıler tobyna jatatynyn anyqtaýǵa, sondaı-aq qoǵamdaǵy kedeılikti kórsetý úshin aqparatty biriktirýge múmkindik beredi.

«Vedomstvo ázirlegen ádisteme tórt baǵyt boıynsha otbasynyń ál-aýqatynyń deńgeıin aıqyndaýdy kózdeıdi: áleýmettik-ekonomıkalyq ómir súrý jaǵdaılary, densaýlyq saqtaý qyzmetterimen qamtý jáne múgedektigi bar adamdardyń bolýy, bilim berý qyzmetterimen qamtý jáne otbasy músheleriniń bilim deńgeıi jáne otbasynyń jan basyna shaqqandaǵy ortasha tabysy», - dep túsindirdi mınıstr.

Otbasynyń ál-aýqatyn baǵalaý qorytyndylary boıynsha kedeıliktiń eń joǵary deńgeıinde turǵan otbasylarmen mynadaı is-sharalar júrgiziledi:

1. Áleýmettik qoldaý sharalaryn kórsetý úshin áleýmettik qyzmetkerdiń, jergilikti atqarýshy organ qyzmetkeriniń barýy.

2. Otbasynyń qajettiligin anyqtaý jáne memlekettik qyzmetter kórsetý. Munyń ishine, ataýly áleýmettik kómek, turǵyn úı kómegin taǵaıyndaý; jumysqa ornalasýǵa járdemdesý; balalardy mektepterge/balabaqshalarǵa ornalastyrý; medıtsınalyq uıymdarǵa tirkeý; kómektiń basqa túrlerin kórsetý kiredi.

3. Jobalardy ázirleýge, jańa daǵdylarǵa úıretýge, óz isin qurýǵa kómek kórsetý.

«Qazirgi ýaqytta biz qıyn ómirlik jaǵdaıǵa tap bolǵan azamattarǵa áleýmettik qoldaý sharalaryn kórsetý úshin paıdalanylatyn otbasynyń tsıfrlyq kartasyn ázirleýdi júzege asyrýdamyz. Otbasynyń tsıfrlyq kartasy túrli derekqorlardaǵy barlyq aqparatty jınaqtaýǵa jáne taldaýǵa, odan ári ony jedel ózektendirýge jáne proaktıvti formatta otbasynyń jaǵdaıynyń nasharlaýyna jol bermeý úshin qajetti qoldaý kórsetýge múmkindik beredi. Qazir biz tek otbasylar týraly aıtyp otyrmyz, bolashaqta biz 19 mıllıon azamattyń árqaısysyn qarastyramyz», – dedi Tamara Dúısenova.


Joǵary qaraı