Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda otbasylyq janjalqoılarǵa qandaı jaza qarastyrylǵan

2021 jyldyń 25 qarasha 2021 12:50

NUR-SULTAN. QazAqparat - QR Іshki ister mınıstriniń orynbasary Murat Baımuqashev elimizde otbasylyq janjal shyǵaryp, zorlyq kórsetken adamdarǵa qandaı jaza túrleri qarastyrylǵanyn aıtty, dep habarlaıdy QazAqparat tilshisi.

«Biz áıelder men balalardy qorǵaý úshin júıeli sharalar qabyldap jatyrmyz. 2009 jyly qabyldanǵan zańǵa qoldaný praktıkasy men aǵymdaǵy jaǵdaıdy eskere otyryp, túzetýler men ózgerister engizildi. ıAǵnı, zań únemi jańartylyp otyrady. Polıtsııa qyzmetkerleriniń ókilettiligi de keńeıtildi. Osy tusta otbasylyq quqyq buzýshylyqqa jol bergen tulǵalarǵa qatysty jaýapkershilik kúsheıtildi», - dedi Murat Baımuqashev elordada ótip jatqan «Qazaqstandaǵy otbasy jáne otbasylyq saıasat ınstıtýty: máseleler, úrdister men keleshegi» atty halyqaralyq konferentsııada.

Onyń aıtýynsha, endigi ýaqytta polıtsııa qyzmetkeri turmystyq zorlyq-zombylyq kórsetip, otbasylyq janjal shyǵarǵan adamdy jábirlenýshige jaqyndatpaýǵa, tipti telefonmen sóılesýge de tyıym salýǵa quqyly.

«Bul shekteýdiń qoldanylý merzimi 1 aı. Ol arnaıy qorǵaý nusqamasy retinde resimdeledi. Eger tyıym men shekteýdi buzǵan jaǵdaıda 5 táýlikke deıin qamaýǵa alý qarastyrylǵan. Sonymen qatar turmystyq janjal barysynda uryp-soǵý nemese jeńil dene jaraqaty bolǵany anyqtalsa, onda aıypty 10 nemese 15 táýlikke deıin ákimshilik qamaýǵa alynady», - deıdi ol.

Sondaı-aq, mınıstr orynbasary eger jábir kórýshi negizgi aryzdan bólek, ózin qorǵaý maqsatynda qosymsha ótinish, talap bildirse, ondaı jaǵdaıda aıyptyǵa jaza qatańdaı túsetinin aıtty.

«Atap aıtqanda, aıyptyǵa qarýdy saqtaý men alyp júrýge nemese úıde alkogol ishýge tyıym salynýy múmkin. Eger aıypty bólek úıde tursa, onda sot azamatty 10 kún ishinde bosatýǵa quqyly. Bul tyıymdardyń qoldanylý merzimi úsh aıdan bir jylǵa deıin bolýy múmkin. Jáne tártip buzýshynyń minez-qulqy qadaǵalaýǵa alynyp, ol ýchaskelik polıtsııa ınspektorynyń profılaktıkalyq esebine alynyp, baqylaýyna qoıylady», - dep túıindedi M.Baımuqashev.


Joǵary qaraı