Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda ortasha zeınetaqy kólemi qansha

2021 jyldyń 13 qazan 2021 11:18

NUR-SULTAN. QazAqparat – Qazaqstandyqtardyń ortasha zeınetaqy tólemi aıyna – 100 myń teńgege jýyq. QazAqparat bul týraly QR Eńbek jáne halyqty áleýmettik qorǵaý mınıstrligine silteme jasap habarlaıdy.

2021 jyldyń qańtar-qyrkúıek aılarynda respýblıkalyq bıýdjetten bazalyq zeınetaqy tóleýge 614,9 mlrd teńge, yntymaqty zeınetaqy tólemderine – 1 390, 1 mlrd teńge baǵyttaldy.

Ótken qyrkúıek aıynda respýblıkalyq bıýdjetten zeınetaqy tólemderine – 221,2 mlrd teńge, onyń ishinde bazalyq zeınetaqy tóleýge – 67,9 mlrd teńge, yntymaqty zeınetaqy tóleýge 153,3 mlrd teńge bólindi.

Bıylǵy 1 qazandaǵy málimetke sáıkes, zeınetaqy tólemderiniń ortasha mólsheri (onyń ishinde bazalyq zeınetaqy) 99 887 teńgeni qurady. Elimizdegi zeınetkerler sany – 2 mln 229 myń adam.

Eske salaıyq, 2018 jylǵy 1 shildeden bastap memlekettik bazalyq zeınetaqy tólemi, azamattyń zeınetaqy júıesindegi tájirıbesi eskerile otyryp, jeke taǵaıyndalady.

Bul rette 1998 jylǵy 1 qańtardaǵy jaǵdaı boıynsha yntymaqty júıede jumys istegen ýaqyty, sondaı-aq mindetti zeınetaqy jarnalary tólengen kezeńder zeınetaqy júıesindegi eńbek ótiline qosylady.

Sonymen, eger zeınetaqy júıesindegi jumys ótili 10 jyl nemese odan az bolsa, sondaı-aq eger múlde joq bolsa, bazalyq zeınetaqy eń tómengi kúnkóris deńgeıiniń 54% quraıdy, sodan keıin 10 jyldan asqan ár jyl úshin onyń mólsheri 2% artady. Mysaly, eger siz 20 jyl qatyssańyz, bazalyq zeınetaqy kúnkóris deńgeıi qunynyń 74%, 30 jyl – kúnkóris qunynyń 94% quraıdy. 33 jáne odan da kóp jyl jumys ótili bolsa, kúnkóris qunynyń 100% mólsherinde belgilenedi.

Eger Biryńǵaı jınaqtaýshy zeınetaqy qoryna mindetti zeınetaqy jarnasy bir aı ishinde birneshe ret jasalsa, jınaqtaýshy júıege qatysý merzimi bir aıdy quraıdy.

Osylaısha, mindetti zeınetaqy jarnalary neǵurlym turaqty jáne tolyq salynatyn bolsa, zeınetaqy jasyna jetkende bazalyq zeınetaqy tólemderiniń mólsheri soǵurlym kóp bolady.

Óz kezeginde, jasyna baılanysty zeınetaqy tólemderiniń mólsheri 1998 jylǵy 1 qańtardaǵy jumys ótiline (kem degende 6 aı qajet) jáne zeınetkerlikke deıingi kezeńde alynǵan ortasha aılyq tabysqa baılanysty bolady.


Joǵary qaraı