Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda órt kóbine neden shyǵady

2021 jyldyń 29 qarasha 2021 21:23

NUR-SULTAN. QazAqparat – Elimizde bolatyn órt jaǵdaıynyń negizgi sebepteri ataldy, dep habarlaıdy QazAqparat tilshisi.

«Ótken jyldyń osy kezeńimen salystyrǵanda elimizde órt jaǵdaıy 16,5% -ǵa azaıǵan. Onyń ishinde órt saldarynan qaza tabý jaǵdaıy 22% -ǵa, al, jaraqat alý 27% -ǵa tómendegeni baıqalady. Endi taldaý nátıjesine kelsek, elimizde órt saldarynan qaza tapqandardyń 34,7%-y mas kúıinde bolǵan, 28,2% jaǵdaıda adamdar uıyqtap bilmeı qalǵan. Jáne 4,3%-y órt kezinde adamdar sasqalaqtap, dúrbeleńge boı aldyrý sebep bolyp otyr. ıAǵnı ne isteý kerektigin bilmeı qalady. Jáne 2% jaǵdaıda - mobıldiliktiń bolmaýy sebep», - dedi QR Tótenshe jaǵdaılar mınıstrligi órtke qarsy qyzmet komıtetiniń tóraǵasy Nurbolat Derbisov OKQ-de ótken baspasóz máslıhatynda.

Onyń aıtýynsha, búginde órtten qaza bolýdyń 14 faktisi boıynsha sot-medıtsınalyq saraptama qorytyndysy ázirge alynǵan joq.

Odan bólek, TJM ókili órt shyǵýdyń negizgi sebepterine toqtalyp ótti.

«39,1% - adamdardyń otty abaısyz paıdalanýy, 26% - mas kúıinde shylym tartyp, onyń qaldyǵyn tastaı salý, 10% - elektr quraldaryn qoldaný qaýipsizdigin saqtamaý, 6,5% - pesh jaǵý erejesin durys oryndamaý, 4,3% - túrli jarylystyń saldarynan órt týyndaıdy. Sonymen qatar 2% qasaqana órteý. Jáne qazirgi ýaqytta 5 órt faktisi boıynsha sebebi anyqtalý ústinde», - deıdi ol.

Buǵan deıin Nurbolat Derbisov bıyl elimizde jylytý maýsymy bastalǵaly ýly gaz datchıgi der kezinde dabyl qaǵyp 29 adamnyń ómirin saqtap qalǵanyn aıtty.


Joǵary qaraı