Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda óńirlerdiń basym bóliginde ınflıatsııa jyldamdady

2021 jyldyń 20 qazan 2021 15:08

NUR-SULTAN. QazAqparat – Jyldyq ınflıatsııa qyrkúıekte 13 óńirde jyldamdady. Bul týraly QR Ulttyq bankiniń tóraǵasy Erbolat Dosaev aıtty, dep habarlaıdy QazAqparat tilshisi.

«Inflıatsııany turaqtandyrý maqsatynda Memleket basshysy osy jylǵy qyrkúıektegi óziniń Joldaýynda Úkimetke Ulttyq bankpen birlesip monetarlyq emes faktorlarǵa erekshe nazar aýdarýdy tapsyrdy. Prezıdenttiń oryndaý úshin Úkimet sheshimimen Inflıatsııaǵa qarsy den qoıý sharalarynyń kesheni bekitildi, ony iske asyrý osy jylǵy qyrkúıekte bastaldy», - dedi E. Dosaev Májilistiń jalpy otyrysynda.

Sonymen qatar ol bıylǵy ınflıatsııany tejeýdiń negizgi qadamdaryn aıtty.

«Sizderdiń nazarlaryńyzdy óńirlerdegi jaǵdaıǵa aýdarǵym keledi. Jyldyq ınflıatsııa qyrkúıekte 17 óńirdiń 13 óńirinde jyldamdady, ol 6 oblysta 9 paıyzdan asyp otyr. Ulttyq banktiń pikirinshe, óńirlik naryqtarda baǵalardy turaqtandyrý jáne taýarlar tapshylyǵyna jol bermeý bıylǵy jylǵy ınflıatsııany «tejeýdiń» negizgi faktorlary bolyp sanalady», - dedi UB basshysy.

Budan buryn habarlanǵandaı, Ulttyq bank tóraǵasy elimizde ınflıatsııanyń ósýiniń negizgi sebepterin aıtty.


Joǵary qaraı