Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda óndiristegi jazataıym oqıǵalardan bolatyn ólim-jitim 12,3% -ǵa tómendedi

2021 jyldyń 22 qyrkúıek 2021 09:20

NUR-SULTAN. QazAqparat - QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń derekteri boıynsha, aǵymdaǵy jyldyń segiz aıynda óndiristegi jazataıym oqıǵalardyń nátıjesinde 938 qyzmetker zardap shekti, onyń 114-i qaıtys boldy. Bul týraly QazAqparat atalmysh vedomostvonyń baspasóz qyzmetine silteme jasap habarlaıdy.

Osylaısha, óndiristik jaraqattaný deńgeıi 2020 jyldyń uqsas kezeńimen salystyrǵanda 2,9% - ǵa ósti (ótken jyldyń 8 aıynda 912 adam zardap shekti). Bul rette óndiristik jaraqattanýdan qaza tabý jaǵdaılary 12,3% - ǵa tómendedi (2020 jyly osy kezeńde óndiriste 130 adam qaza tapty).

Óndiristik jaraqattanýdyń joǵary deńgeıi burynǵydaı Qaraǵandy (169 adam zardap shekti), Shyǵys Qazaqstan (111 adam), Pavlodar (77 adam), Qostanaı (73 adam), Aqtóbe (72 adam) oblystarynda saqtalýda.

Ekonomıka salalary boıynsha zardap shekkenderdiń eń kóp sany taý-ken-metallýrgııa kesheniniń kásiporyndarynda – 134 adam (19,4%) jáne qurylys salasynda – 80 adam (11,6%) baıqalady.


Joǵary qaraı