Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda óndirilgen munaıdyń 76,5%-y eksporttalady

2021 jyldyń 10 mamyr 2021 13:39

NUR-SULTAN. QazAqparat – Byltyr Qazaqstanda óndirilgen 85,65 mln tonna munaıdyń 76,5%-y eksportqa ketken, dep habarlaıdy QazAqparat tilshisi.

Redaktsııanyń saýalyna joldaǵan jaýabynda Energetıka mınıstrliginiń baspasóz qyzmeti osyndaı málimet berdi.

«2020 jyly Respýblıka boıynsha 85,65 mln.tonna munaı jáne gaz kondensaty óndirildi. Sonyń ishinde eksportqa 68,5 mln.tonna jáne 15,8 ishki naryqqa mln tonna tasymaldandy», - dep jazylǵan jaýapta.

Vedomstvo bergen málimetke súıensek, eksporttalatyn 68,5 mln tonna munaıdyń 669,3 myń tonnasy, ıaǵnı, 0,9% ǵana óńdelgen ónim retinde satylady eken. Qalǵan ónimniń bári shıkizat retinde shyǵyp jatyr.

«2020 jyly 68,5 mln.tonna munaı eksporttaldy, bul jalpy óndirilgen munaıdyń 76,5%-yn quraıdy. 2020 jyly munaı ónimderi mynadaı kólemde eksporttaldy:

Benzın – 493,6 myń tonna;

Dızel otyny – 175,9 myń tonna;

Avıa otyn – 363 tonna», - dep jazylǵan resmı málimette.

Mınıstrliktiń baspasóz qyzmeti vedomstvonyń birinshi kezektegi mindeti – ishki naryqty munaı ónimderimen tolyq qanyqtyrý ekenin erekshe atady. ıAǵnı, ishki suranystan artylǵan munaı ónimderi ǵana eksportqa shyǵarylyp jatqan kórinedi.


Joǵary qaraı