Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda oqý bitirgen jastardyń jumys taba almaýynyń sebebi nede

2022 jyldyń 26 qańtar 2022 21:57

NUR-SULTAN. QazAqparat – Elimizde jas mamandardyń jumysqa ornalasý deńgeıi qandaı jáne olardyń ýaqytyly jumysqa ornalaspaýynyń sebebi nede? Atalǵan suraqtarǵa «Atameken» ulttyq kásipkerler palatasy basqarma tóraǵasynyń orynbasary Oljas Ordabaev jaýap berdi, dep habarlaıdy QazAqparat tilshisi.

«Kolledj túlekterine kelsek, 2020 jyly bitirgen 145 myń mamannyń 65,1 paıyzy 1 jyldyń ishinde jumysqa ornalasty. Joǵary oqý ornyn bitirgenderdiń kórsetkishi joǵarylaý. Olardyń 77,7 paıyzy jyl kóleminde jumysqa ornalasady. Túlekterin ýaqytyly eńbekpen qamtamasyz etetin belsendi JOO-da bar. ıAǵnı keıbir ýnıversıtetterdi bitirgen mamandardyń 70 paıyzy oqýdy támamdaǵan soń bar-joǵy 3 aıdyń ishinde jumysqa turady», - dedi Oljas Ordabaev «Habar-24» telearnasynyń «Intervıý» baǵdarlamasynyń efırinde.

Onyń aıtýynsha, «Atameken» UKP jumys berýshiler arasynda turaqty túrde saýalnama júrgizip turady.

«Saýalnama nátıjesine sáıkes, jumys izdeýshilerdiń 40 paıyzy qarapaıym daǵdylardy meńgermegen bolyp shyǵady. Ol degenimiz ujymmen jumys isteı bilý, óz oıyn jetkizý, syn turǵysynan oılaý jáne komandamen jumys isteý. Jumys berýshilerdiń pikirinshe, maman kásibı bilikten bólek, zaman talabyna saı daǵdylardy meńgerýi mańyzdy. Basqasha aıtqanda, saýalnamaǵa qatysýshylardyń pikirinshe, qazirgi jas mamandarǵa shıraqtyq jetispeıdi», - deıdi ol.


Joǵary qaraı