Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda «Odın na mıllıon» fılmi prokatqa shyǵady

2021 jyldyń 12 qazan 2021 22:40

ALMATY. QazAqparat - Tájikstandyq tanymal bıznes trener Saıdmýrod Davlatov týraly fılm jaryqqa shyqty. Kınoda basty róldi onyń ózi oınaıdy, dep habarlaıdy QazAqparat tilshisi.

«Odın na mıllıon» fılmniń jelisi Saıdmýrod Davlatovtyń ómirbaıanyna qurylǵan. Kartınada qıyndyqqa tap bolyp, odan shyǵý jolyn izdegen adamnyń oqıǵasy sýretteledi.

Onyń aıtýynsha, fılm 4 jarym jylǵa jýyq ýaqyt túsirildi. Eń qıyny - akterlik quramdy tańdaý bolǵan. Óıtkeni fılmde Saıdýmrod Davlatovtyń ómiriniń úsh kezeńi sýretteledi. Ony ekranda ózinen basqa taǵy eki adam oınady. Keńestik kezeńdi, 1990 –shy, 2000 -shy jyldardy túsirý de ońaı bolmapty.

Halyqaralyq jobanyń geografııalyq aýqymy keń. Kartına Qazaqstan, Tájikstan men Reseıde tipti keıbir kórinister AQSh, Malaızııa men Úndistanda túsirildi.

«Bul fılm únemi qaryzǵa batyp júretinder óte qyzyqty bolady dep oılaımyn. Óıtkeni, osy dramanyń keıipkeri qomaqty qarajat alyp, bereshek bolyp qalady. Qaryzyn qaıtarý úshin túrli amalǵa barady. Sońynda qıyndyqtan jol taýyp shyǵady. Qazirgi kezde kóremen úshin bul ózekti másele ekeni daýsyz. Bul fılmde oınaý úshin men prodıýser, stsenarıst, rejısserlyq qysqa kýrstardan óttim. Men óz ómirimdi qaıta bastadym, bul óte erekshe. Bul fılm, eń aldymen, halyqtar dostyǵyn nyǵaıtýǵa baǵyttalǵan, sebebi men úshin bári qymbat boldy: qazaqstandyqtar, orystar, ýkraındar, qyrǵyzdar jáne t.b. Fılmde olar maǵan baýyrlarymnan góri kóbirek kómekteskenin kórýge bolady. Biz ómirde bir nársege qol jetkizgisi keletinderge úmit berý úshin túsirdik «, - dedi Saıdmýrod Davlatov.

Kartına úlken ekranǵa Qazaqstanda ǵana emes Reseı, Ózbekstan men Tájistanda shyǵady. Qyrǵyzstanda da kórsetý josparda bar. Fılm kınotetralarda 14 qazannan bastap kórsetiledi.


Avtor Alma Muqanova
Basty sózder: Mádenıet, Almaty,
Joǵary qaraı