Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda neshe doza vaktsına bar

2022 jyldyń 18 qańtar 2022 19:42

NUR-SULTAN. QazAqparat – QR Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova eldegi vaktsınalardyń qory týraly málimet usyndy, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngide BAQ ókilderi Komıtet basshysynan koronavırýsqa qarsy ekpeniń qory týraly suraq qoıdy.

«Búginde bizde QazVas-tyń 500 myń dozasy, Sinopharm-nyń 1mln 300 myń dozasy, «Spýtnıktiń» 500 myńdaı dozasy jáne Pfizer-diń 2500 dozasy qaldy. Bul vaktsınalardyń bári vaktsınatsııaǵa da, revaktsınatsııaǵa da qoldanylady. «Spýtnık V» ǵana tek vaktsınatsııaǵa paıdalanylady. Óıtkeni eki kompnenti eki túrli ekeni esterińizde shyǵar», - dedi Aıjan Esmaǵambetova.

Buǵan deıin ol elimizde táýlik saıyn Pfizer vaktsınasynyń 15-16myń doasyz egilip jatqanyn aıtty.

«Biz Pfizer vaktsınasyn ege bastaǵan kezde táýlik saıyn 500-300 adam ǵana ekpe qabyldaǵany esterińizde shyǵar. ıAǵnı, kez kelgen vaktsına sııaqty, basynda bári áliptiń artyn baqty. Keıin qaýipsiz ekenine kózderi jetken soń vaktsınatsııa qarqyny óse bastady. Búginde táýlik saıyn Pfizer vaktsınasyn 15-16 myń adam qabyldaıdy. Onyń ishinde balalar da, júkti áıelder de, bala emizetinder de bar. Búginde Pfizer vaktsınasynyń 1 mln dozasyn táýekel tobyndaǵy adamdarǵa baǵyttaǵaly otyrmyz», - dedi ol.


Joǵary qaraı