Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda negizgi azyq-túlik taýarlarynyń 5 aılyq qory quryldy

2022 jyldyń 21 qańtar 2022 10:37

NUR-SULTAN. QazAqparat - QR SIM Saýda komıtetiniń tóraǵasy Erjan Qazanbaev áleýmettik mańyzy bar azyq-túlik taýarlarynyń (ÁMAT) baǵasyn turaqtandyrý boıynsha qabyldanyp jatqan sharalar týraly aıtty, dep habarlaıdy QazAqparat tilshisi.

Saýda komıtetiniń tóraǵasy atap ótkendeı, sońǵy 2 jyldaǵy úrdis búkil álem boıynsha azyq-túlik baǵasynyń aıtarlyqtaı ósýi bolyp tabylady. 2020 jáne 2021 jyldary Sovid-19 saldarynan logıstıkanyń kúrdeliligine kóptegen elderde qurǵaqshylyq jáne nátıjesinde álemdik naryqtardaǵy baǵanyń ósýi qosyldy. Qazaqstan da budan tys qalǵan joq.

Búgingi basty mindet - baǵanyń kúrt kóterilýine jol bermeý. Bul boıynsha Mınıstrlik ortalyq memlekettik organdarmen jáne ákimdiktermen birlesip jumys júrgizýde.

Birinshiden, azyq-túlik taýarlarynyń negizgi túrleriniń naqty jáne baǵalyq qoljetimdiligin qamtamasyz etý boıynsha jumys jalǵasýda.

Egis alqaptaryn jáne áleýmettik mańyzy bar taýarlardy óndirýge arnalǵan basym daqyldar óndirisin ulǵaıtý josparlanǵan.

Qazirgi ýaqytta elimizde negizgi azyq-túlik taýarlarynyń 5 aılyq qory qalyptastyryldy.

Tutynýshy úshin baǵany tómendetý úshin áleýmettik mańyzy bar azyq-túlik taýarlaryna saýda ústemesiniń mólsherin (tizbede olardyń 19 túri) 15-ten 10% - ǵa deıin qysqartý týraly sheshim qabyldandy.

Budan basqa, jergilikti bıýdjet esebinen turaqtandyrý qorlaryn qarjylandyrý jáne saýda jelilerin kredıtteýdi 140 mlrd. teńgege deıin jetkizý josparlanýda (búgingi kúni 70 mlrd teńge bólindi).

Ekinshiden, maýsymaralyq kezeńde Ortalyq Azııa elderinen erte ımporttyq jemis-kókónis ónimderin forvardtyq satyp alýdy uıymdastyrý boıynsha jumystar júrgizilýde.

«Mınıstrlik pen ákimdikter jumysynyń qosymsha blogy memlekettik baqylaýdy kúsheıtý bolyp tabylady, jergilikti atqarýshy organdar tarapynan jurtshylyqty tartý arqyly saýda ústemesin jáne syıaqyny baqylaý boıynsha jumysty kúsheıtemiz», - dedi Erjan Qazanbaev.


Joǵary qaraı