Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda naýryzdan bastap temirjol bıletteri qymbattaıdy

2021 jyldyń 18 qańtar 2021 14:20

NUR-SULTAN. QazAqparat – Qazaqstanda naýryzdan bastap temirjol bıletteri qymbattaıdy, dep habarlaıdy QazAqparat tilshisi «Jolaýshylar tasymaly» AQ resmı saıtyna silteme jasap.

«Áleýmettik mańyzy bar qatynastar boıynsha jolaýshylar tasymalyn júzege asyrýmen baılanysty tasymaldaýshynyń shyǵystaryn uzaq merzimdi sýbsıdııalaýǵa arnalǵan sharttarǵa sáıkes, 2021 jyldyń 1 naýryzynan bastap oblysaralyq jáne qala mańyndaǵy qatynastardaǵy barlyq áleýmettik mańyzy bar baǵyttarǵa temirjol bıletteriniń quny 7% - ǵa artady», - delingen habarlamada.

«Jolaýshylar tasymaly» AQ jolaýshylardy tasymaldaý sapasyn jaqsartýǵa, onyń ishinde jyljymaly quram parkin jańartýǵa jáne qyzmet kórsetýdiń jańa standarttaryn engizýge baǵyttalǵan sharalardy júrgizip jatqanyn eske saldy.

«Jolaýshylar tasymaly» AQ 2018 jyldan 2020 jylǵa deıin 159 vagon satyp alǵanyn habarlaımyz. Atalmysh vagondar kelesi baǵyttar boıynsha qatynaıtyn jolaýshylar poıyzdarynyń quramynda bar. Olar: Almaty-Mańǵystaý, Nur-Sultan-Saryaǵash, Atyraý-Nur-Sultan, Atyraý-Almaty, Nur-Sultan-Arqalyq, Atyraý-Mańǵystaý, Almaty-Jezqazǵan jáne Nur-Sultan-Semeı. Sonymen qatar, osy jyldyń 1 toqsanynda 50 jańa vagon jetkiziledi dep kútilýde. Bul vagondar kelesi baǵyttar boıynsha qatynaıdy dep josparlanýda: Almaty-Mańǵystaý, Qyzylorda–Semeı, Almaty-Óskemen jáne Nur-Sultan-Semeı», - dep habarlaıdy kompanııadan.


Avtor Aıan Bekenuly
Basty sózder: Qoǵam, Kólik,
Joǵary qaraı