Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda munaı óńdeý zaýyttary qansha dızel otynyn óndiredi

2021 jyldyń 29 qyrkúıek 2021 18:02

NUR-SULTAN. QazAqparat - «QazMunaıGaz» UK» AQ munaı óńdeý jáne munaı hımııasy departamentiniń dırektory Makeev Dmıtrıı Pavlodar munaı óńdeý zaýytyn jóndeýge qatysty túsinik berdi.

Aıta keteıik, bıylǵy 1 qazannan bastap Pavlodar munaı-hımııa zaýyty josparly jóndeý jumystaryna toqtaıdy.

«Úsh munaı óńdeý zaýytynda dızel otynyn óndirýdiń aǵymdaǵy kólemi táýligine 16 myń tonna shamasynda. Sonymen birge, elimizde dızel otynyn tutynýdyń óte joǵary deńgeıi saqtalyp otyr, ıaǵnı táýligine 16,5 myń tonna. 1 qazanda Pavlodar zaýyty josparly jóndeýge toqtaıdy. Osy oraıda Atyraý jáne Shymkent munaı óńdeý zaýyttarynyń dızel otynyn táýliktik óndirý kólemi 9,5 myń tonnaǵa jýyq. Qazan aıynda Atyraý zaýyty 133 myń tonna, al Shymkent zaýyty 161 myń tonna dızel otynyn óndiredi. Pavlodar munaı óńdeý zaýyty jóndeýge toqtaǵanǵa deıin kásiporynda 27 myń tonna kóleminde qor jınaqtalady. Sonymen qatar, AI-92 benzıni boıynsha 45 myń tonna jáne AI-95-ke qatysty 2 myń tonna mólsherinde qor jasalady» - dedi D. Makeev Ortalyq kommýnıkatsııalar qyzmetinde.

Onyń sózine qaraǵanda, Pavlodar munaı-hımııa zaýytyn iske qosý bıylǵy qazan aıynyń sońyna deıin bolady. Taýarlyq dızel táýligine 6 myń tonna kóleminde 28 qazannan bastap jóneltile bastaıdy.

«Pavlodar zaýytynda kúrdeli jóndeý jumystary 2018 jyldan beri júrgizilmedi. Otandyq munaı óńdeý zaýyttarynda aǵymdaǵy jóndeý jyl saıyn ótkizilse, kúrdeli jóndeý 3 jylda bir ret atqarylady», - dedi «QazMunaıGaz» kompanııasynyń ókili.

Budan buryn habarlanǵandaı, elimizdegi bólshek saýda baǵasy kórshi elderge qaraǵanda aıtarlyqtaı tómen, bul turǵyda tranzıttik kólikter dızel otynyn satyp alýy kólemin arttyrǵan.


Joǵary qaraı