Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda múgedektigi bar adamdar jańa járdemaqy ala bastaıdy

2021 jyldyń 28 qazan 2021 20:10

NUR-SULTAN. QazAqparat – Kelesi aıdan bastap múgedektigi bar adamdar men olardyń otbasylary jańa járdemaqy ala bastaıdy. Bul týraly QR Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov TMD-ǵa qatysýshy memleketterdiń konsýltatıvtik keńesiniń otyrysyna aıtty, dep habarlaıdy QazAqparat.

«Bıylǵy 12 qazanda Prezıdent «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» Zańǵa qol qoıdy. Parlament Senaty men Májilisiniń jumys toby músheleriniń, Úkimet janyndaǵy Múgedektigi bar adamdardyń máseleleri jónindegi úılestirý keńesiniń, sondaı-aq jurtshylyq pen saraptama qoǵamdastyǵynyń usynystary Zańnyń negizine alyndy. Zań 19 tujyrymdamalyq túzetýden turady jáne 16 zańnamalyq aktige ózgerister engizýdi kózdeıdi. Kelesi aıdan bastap múgedektigi bar adamdar men olardyń otbasylary jańa járdemaqy ala bastaıdy», – dedi Aqmádı Sarbasov.

Atalǵan Zańda kózdelgen normalar týraly aıta kele, birinshi vıtse-mınıstr «Áleýmettik kásipkerlik týraly» jáne «Inklıýzıvti bilim berý týraly» taǵy eki zańnyń qabyldanǵanyn habarlady.

«Olardyń birinshisi áleýmettik kásipkerlik uǵymyn, áleýmettik kásipkerlik sýbektileriniń negizgi mindetteri men sanattaryn, áleýmettik kásipker mártebesin berý tetigin aıqyndaıdy, sondaı-aq memlekettik qoldaýdyń aýqymdy sharalaryn kózdeıdi. Tutastaı alǵanda, zań múgedektigi bar adamdardyń iskerlik belsendiligin de, jumyspen qamtylýyn da yntalandyrýǵa baǵyttalǵan. Bilim mınıstrliginiń bastamasy boıynsha qabyldanǵan ekinshi zań oqytýdyń barlyq deńgeılerinde erekshe bilim berýge qajettiligi bar adamdardyń quqyqtaryn iske asyrýǵa baǵyttalǵan. Ózgerister men tolyqtyrýlar Bilim týraly, Bala quqyqtary týraly, Múgedektigi bar adamdardy áleýmettik qorǵaý týraly zańdarǵa engizildi», – dedi ol.

Aqmádı Sarbasov Memleket basshysynyń tapsyrmasyn oryndaý maqsatynda BUU-nyń Múgedekterdiń quqyqtary týraly konventsııasyna Fakýltatıvtik hattamany ratıfıkatsııalaý boıynsha jumys júrgizilip jatqanyn atap ótti. Tıisti zań jobasy QR Parlamenti Májilisiniń qaraýynda jatyr.


Joǵary qaraı