Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda múgedek jandardyń suranysyna ıe nysandardyń kartasy jasaldy

2021 jyldyń 3 qarasha 2021 11:13

NUR-SULTAN. QazAqparat – Qazaqstanda erekshe kútimdi talap etetin jandar úshin olar jıi qoldanatyn nysandardyń kartasy ázirlendi. Bul týraly QR Prezıdentiniń kómekshisi Erlan Qarın málim etti, dep habarlaıdy QazAqparat tilshisi.

«Memleket basshysy Ulttyq keńestiń sońǵy otyrysynda elimizde múgedek jandardyń suranysyna ıe nysandardyń kartasyn ázirleýdi tapsyrdy. Sebebi elimizde sońǵy ýaqytta salynyp jatqan nysandar múgedek jandardyń talabyna sáıkes keledi. ıAǵnı pandýs, arnaıy lıft qarastyrylǵan taǵy sol sekildi. Al buryn turǵyzylǵan ǵımarattardyń kóbisi erekshe jandardyń qoldanýy úshin yńǵaısyz. Osy oraıda elimizde múgedek jandardyń qandaı nysandardy jıi qoldanatyny nemese baratyny saraptalady», - dedi Erlan Qarın «Habar 24» telearnasyna bergen suhbatynda.

Sondaı-aq, Prezıdent kómekshisi búginde atalǵan tapsyrmanyń iske asyp jatqanyn aıtty.

«Prezıdent tapsyrmasyna sáıkes el kóleminde 35 nysannyń kartasy ázirlendi. Karta búginde arnaıy saıtta jarııalandy jáne ol múgedek jandardy áleýmettik qoldaý dep atalady. Aldaǵy ýaqytta jyl saıyn elimiz boıynsha 4 myń nysan múgedek jandar úshin yńǵaıly etip qaıta jasaqtalady. ıAǵnı tıisti qajettiliktermen qamtamasyz etiledi. Bul erekshe jandardyń tirshiligin jaqsarta túsý jolynda jasalyp jatqan sharýanyń biri», - deıdi ol.

Onyń aıtýynsha, atalǵan tapsyrmany oryndaý týraly josparǵa sáıkes 2025 jyly el kóleminde 22 myń nysan múgedek jandardyń ıgiligine jaramaq.

Buǵan deıin Erlan Qarın Memleket basshysy Qasym-Jomart Toqaevtyń Joldaý aıasynda júktegen mindetterdiń qalaı iske asyp jatqany týraly aıtyp bergen edi.


Joǵary qaraı