Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda monıtorıngtik toptyń jumysyn toqtatý máselesi kóterildi

2022 jyldyń 25 qańtar 2022 18:37

NUR-SULTAN. QazAqparat – Elimizde karantın talaptarynyń jeńildeýine baılanysty monıtorıngtik top músheleriniń jumysyn jalǵastyrý máselesi sóz boldy, dep habarlaıdy QazAqparat tilshisi.

Ortalyq kommýnıkatsııalar qyzmetinde onlaın ótken baspasóz máslıhaty barysynda tilshi «Elimizde karantın talaptary jeńildep, bıznestiń qaıta jumys isteýine múmkindik berildi. Osy oraıda karantın talaptaryn tekseretin monıtorıngtik toptar jumysyn toqtatýy múmkin be?», - degen qoıdy.

Atalǵan saýalǵa QR Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova jaýap berdi.

«Bizde nysandardy tekserý, olardyń ıelerin jazalaý maqsaty joq. Sebebi biz adamdardyń sanalylyǵyna senemiz. Kásip ıesi bolsyn, jumysshy bolsyn aldymen jeke bas densaýlyǵyn oılaý kerek. Koronavırýs pandemııasy bul adamzat úshin sońǵy kúres emes. Tarıhqa úńilseńizder ár jyldary túrli indet álemdi áýrege salyp jatady. Monıtorıngtik toptyń qyzmeti elimizdiń densaýlyq saqtaý kodeksine sáıkes rettelgen», - deıdi ol.

Komıtet basshysynyń aıtýynsha, búginde atalǵan kodeksti júzege asyrýdyń erejesi ázirlenip jatyr.

«Ereje qoǵamnyń talqysynan ótip baryp qabyldanady. Sodan soń ol normatıvtik-quqyqtyq akt retinde ádilet mınıstrliginde tirkeledi. ıAǵnı, monıtorıngtik toptyń bekitilgen normatıvtik-quqyqtyq akt erejesine sáıkes qyzmet etedi. Eger bas memlekettik sanıtar dáriger qandaı da bir karantındik talap qoısa, ol talaptyń buzylmaý barysyn monıtorıngtik top qadaǵalaıdy», - dedi A. Esmaǵambetova.


Joǵary qaraı