Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda memlekettik organdardyń servısterine jasalatyn shabýyl 3,5 ese artqan

2021 jyldyń 5 naýryz 2021 20:52

NUR-SULTAN. QazAqparat - Qazaqstanda memlekettik organdardyń servısterine ınternet shabýyl 3,5 ese artqan. Bul týraly Aqparattyq qaýipsizdiktiń ulttyq úılestirý ortalyǵy Konsýltatsııalyq úılestirý keńesiniń besinshi májilisinde aıtyldy, dep habarlaıdy QazAqparat QR UQK «Memlekettik tehnıkalyq qyzmet» AQ-ǵa silteme jasap.

Májilis sheńberinde keńes múshelerine qparattyq qaýipsizdiktiń ulttyq úılestirý ortalyǵy júrgizgen monıtorıng kezinde aıqyndalǵan aqparattyq qaýipsizdik qaterleri men ıntsıdentteriniń nátıjesi usynyldy.

Ulttyq úılestirý ortalyǵy júrgizgen taldaý negizinde COVID-19 pandemııasy kezeńinde azamattardyń derbes derekterin jınaý maqsatynda qurylǵan, memlekettik organdardyń túrli servısine uqsaıtyn alaıaqtyq jáne fıshıng resýrstar sany artqany baıqalǵany. Sol sebepti keńeske qatysýshylarǵa aqparattyq qaýipsizdik salasyndaǵy ýákiletti organdy satyp alynatyn jańa memlekettik servıster týraly habardar etýdi baqylaýǵa alý usynyldy.

«Zııankester 2020 jyly shabýyldardyń mynadaı baǵyttary belsendi – zııandy BQ taratý, fıshıng shabýyl, DdoS shabýyl. AQ ıntsıdentterine der kezinde áreket etý nátıjesinde «Botnet» túrindegi ıntsıdentter sany 59,7%-ǵa azaıǵanyn atap kórsetý qajet. 2019 jylmen salystyrǵanda, IQBSh (Internetke qol jetkizýdiń biryńǵaı shlıýzi) jabdyǵy memlekettik organdarǵa baǵyttalǵan shabýyldardyń 3,5 ese artqanyn tirkep, olarǵa toıtarys berdi. Shabyldar sany 2019 jyly 154 mln-nan astam bolsa, 2020 jyly 593 mln-nan astam shabýyl tirkeldi», delingen habarlamada.

«Elektrondyq úkimettiń» aqparattandyrý obektilerine aqparattyq qaýipsizdik talaptaryna sáıkestigine synaq júrgizý boıynsha qyzmet kórsetý sheńberinde kompanııa men ótinish berýshilerdiń ózara is-qımyl tıimdiligin joǵarylatý, sondaı-aq synaqtar júrgizý rásiminiń ashyqtyǵyn qamtamasyz etý jáne qaǵaz qujat aınalymy kólemin azaıtý maqsatynda Synaq ınternet – portalyn qurý arqyly «MTQ» AQ-nyń synaqtar júrgizý boıynsha qyzmetter kórsetý mehanızmin avtomattandyrý týraly aqparat jarııalandy.

27 uıym men memlekettik organyń 48 Konsýltatsııalyq úılestirý keńesine qatysýshy atalmysh jıynǵa qatysty. Olar aqparattyq qaýipsizdikti qamtamasyz etý salasynda ózara is-qımyl tıimdiligin arttyrý men osy sala qaterlerine birlesip áreket etý mehanızmin qalyptastyrýǵa qatysty máselelerdi belsendi talqylady.


Joǵary qaraı