Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda memqyzmetshilerge qazaq tilin meńgerýge qatysty talap qoıylmaq

2021 jyldyń 5 naýryz 2021 16:01

NUR-SULTAN. QazAqparat – QR Memlekettik qyzmet isteri agenttigi memlekettik qyzmetshilerge tilderdi meńgerý boıynsha talaptar belgileý máselesin pysyqtaýda. Bul jaıynda Májilis depýtattarynyń saýalyna QR Premer-Mınıstriniń jaýabynda aıtylǵan, dep habarlaıdy QazAqparat tilshisi.

«Qazaqstan Respýblıkasynyń Memlekettik qyzmet isteri agenttigi memlekettik qyzmetshilerge tilderdi meńgerý boıynsha talaptar belgileý máselesin pysyqtaýda. Qazirgi tańda «Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamy qyzmetkerlerine qoıylatyn biliktilik talaptaryna sáıkes, halyqqa qyzmet kórsetý ortalyqtary qyzmetkerlerine qazaq tilin bilý mindettelgen», - dedi Úkimet basshysy.

Onyń atap ótýinshe, «Qazaqstan Respýblıkasyndaǵy til týraly» Zańnyń 9-babyna sáıkes memlekettik organdardyń aktileri memlekettik tilde ázirlenip, qabyldanady. Osyǵan oraı búginde Zań talaptaryna sáıkes barlyq memlekettik normatıvtik quqyqtyq aktiler memlekettik tilde ázirlenýde. Memlekettik organdar daıyndaıtyn is qaǵazdardyń 93 paıyzy qazaq tilinde. Zańnyń 10-babyna sáıkes Qazaqstan Respýblıkasynyń memlekettik organdary júıesinde, uıymdarynda, menshik nysanyna qaramastan, statıstıkalyq-esep, qarjy jáne tehnıkalyq qujattama júrgizý memlekettik jáne orys tilde qamtamasyz etiledi.

«Sonymen qatar, memlekettik tildiń qoldanys aıasyn keńeıtýge baǵyttalǵan zańnamalyq jumystar júrgizilýde. Búginde «Qazaqstan Respýblıkasynyń keıbir zańnamalyq aktilerine kórneki aqparat máseleleri boıynsha ózgerister men tolyqtyrýlar engizý týraly» zań jobasy ázirlenip, Parlamenttiń qaraýyna engizildi. Zań jobasy derektemeler men kórneki aqparatty ornalastyrýda orfografııa normalaryn, mátinderdiń maǵynalyq jáne teń túpnusqalyq aýdarmasyn saqtaý talaptaryn keńeıtýge múmkindik beredi», - dedi Premer-Mınıstr.

Asqar Mamın Qazaqstan Respýblıkasy Prezıdentiniń 2020 jylǵy 20 qarashadaǵy № 453 Jarlyǵyna sáıkes tilderdi damytý salasyndaǵy fýnktsııalar men ókilettikter Bilim jáne ǵylym mınıstrligine berilgendigine nazar aýdartady.

«Bul qoǵamdyq qatynastardyń barlyq salalarynda memlekettik tildiń qoldanys aıasyn keńeıtý jáne memlekettik tildi oqyp-úırenýge jaǵdaı jasaý, qazaq tiliniń oqytý ádistemesin jetildirý jumystaryn bir ortalyqqa shoǵyrlandyrady, sondaı-aq memlekettik tildiń damýyna oń yqpal etedi. Depýtattyq saýalda atalǵan usynystar Qazaqstan Respýblıkasyndaǵy tilderdi damytý jónindegi memlekettik saıasatty iske asyrý barysynda qarastyrylatyn bolady. Memlekettik tildiń qoldanys aıasyn keńeıtý jumystary Úkimettiń turaqty baqylaýynda, bul baǵyttaǵy jumystar jalǵasýda», - dedi ol.


Joǵary qaraı