Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda kún saıyn áleýmettik mańyzdaǵy taýarlarǵa monıtorıng júrgiziledi

2022 jyldyń 18 qańtar 2022 10:59

NUR-SULTAN. QazAqparat – 5 qańtardan kún saıyn óńirlerde áleýmettik mańyzy bar azyq-túlik taýarlarynyń barlyq pozıtsııalary boıynsha baǵalarǵa monıtorıng júrgizilip jatyr. Bul týraly Úkimet otyrysynda Básekelestikti qorǵaý jáne damytý agenttiginiń tóraǵasy Serik Jumanǵarın aıtty, dep habarlaıdy QazAqparat tilshisi.

«Básekelestikti qorǵaý salasyndaǵy zańnamany buzýǵa jol bermeý maqsatynda Agenttik tıisti jedel sharalar qabyldaýda Áleýmettik mańyzy bar azyq-túlik taýarlary naryqtarynda baǵany ustap turý jáne 10% - ǵa deıin saýda ústemesin belgileý bóliginde óndirýshilermen, kóterme jetkizýshilermen jáne saýda jelilerimen monopolııaǵa qarsy komplaenstiń 189 aktisi jasaldy. Bıylǵy 5 qańtardan bastap kún saıyn óńirler bólinisinde áleýmettik mańyzy bar azyq-túlik taýarlarynyń barlyq pozıtsııalary boıynsha baǵalarǵa monıtorıng júrgiziledi», - dedi S. Jumanǵarın.

Onyń aıtýynsha, básekelestikke qarsy kelisilgen is-áreketter jáne ústem jaǵdaıdy teris paıdalaný belgileri boıynsha 8 tekserý is-sharalary júrgizilip jatyr. Bul turǵyda taýyq jumyrtqasyn óndirýshilerge qatysty 6 tekserý, taýyq eti boıynsha 1 tekserý, sondaı-aq qantqa qatysty taǵy bir tekserý amaldary qamtylǵan.


Joǵary qaraı