Aýa raıy
Astana 3 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda krıptovalıýtalyq bırja ashylady

2020 jyldyń 16 qyrkúıek 2020 23:18

NUR-SULTAN. QazAqparat - Qazaqstanda japondyq medıtsınalyq ortalyq pen japondyq tehnologııalar negizinde krıptovalıýtalyq bırja ashylady. Bul týraly QazAqparat tilshisi Syrtqy ister mınıstrligine silteme jasap habarlaıdy.

Qazaqstannyń Japonııadaǵy Elshiliginde onlaın rejıminde jalpy somasy 46 mln AQSh dollaryn quraıtyn Qazaqstandaǵy ınvestıtsııalyq jobalardy júzege asyrý jónindegi qazaqstandyq jáne japondyq kompanııalar arasynda ekijaqty qujattarǵa qol qoıý rásimi ótti.

Atap aıtqanda, Atyraý qalasynda Japonııanyń zamanaýı medıtsınalyq quraldarymen jabdyqtalatyn kópfýnktsıonaldy dıagnostıkalyq ortalyq ashylady. Kelisim aıasynda qazaqstandyq medıtsınalyq mamandardy Japonııada daıarlaý jáne olardy taǵylymdamalardan ótkizýdi kózdep otyr. Ortalyq Qazaqstannyń emdelýshileri ǵana emes, sondaı-aq jaqyn jáne alys shet elderdiń emdelýshiler úshin medıtsınalyq týrızmdi damytýǵa múmkindik beredi. Jobaǵa 25 mln AQSh dollaryn jumsaý josparlanýda.

Budan bólek, «Astana» Halyqaralyq qarjy ortalyǵynnyń (AHQO) qyzmetin damytý aıasynda japondyq «Smart EcoSystem», «Number One Solution», «SObjects» jáne «Nippon Investment Operating Company» kompanııalary japondyq «Wi-Sun&Wi-Ran» tehnologııasy negizinde óndiris, aýyl sharýashylyǵy, ınfraqurylym jáne kommýnıkatsııalar salalaryna tsıfrlandyrý jáne blokcheın-tehnologııalaryn engizý boıynsha jobany iske qosady. Sondaı-aq, AHQO-da «Security Token Offering» platformasynda krıptovalıýtalyq bırja ashylady. Bastapqy kezeń 13 mln. AQSh dollaryn talap etedi.

Sonymen qatar, japondyq «Nippon Investment Operating Company» jáne «Snin EiTec» kompanııalary qazaqstandyq «Ómirzaq Servıs» kompanııasymen birlesip Atyraý oblysynda munaı óńdeý, taý-ken óndirý jáne qurylys salalary úshin metall ónimderin shyǵaratyn quny 8 mln. AQSh dollaryn quraıtyn zaýyt salý boıynsha ýaǵdalastyqqa qol jetkizdi.

Elshi Erlan Baýdarbek-Qojataev COVID-19 koronavırýsynyń pandemııasynan týyndaǵan ekonomıkalyq týrbýlenttilikke qaramastan, japondyq ınvestorlar Qazaqstanda jasalǵan tıimdi ınvestıtsııalyq jaǵdaılarǵa qyzyǵýshylyq tanytyp otyrǵanyn atap ótti.

Onyń aıtýynsha, atalǵan jobalardy iske asyrý jónindegi ýaǵdalastyqtar shaǵyn jáne orta bıznes nysandary arasyndaǵy yntymaqtastyqtyń áleýetin kórsetedi, atap aıtqanda, osyndaı kompanııalar Japonııada kompanııalardyń jalpy sanynyń 99,7% jáne eldiń JІÓ-niń 50% quraıdy. Japonııa 1993 jyldan beri 7,3 mıllıard AQSh dollary kóleminde ınvestıtsııa salǵan Qazaqstannyń iri ınvestorlarynyń biri bolyp tabylady.


Joǵary qaraı