Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda kredıt berýdiń biryńǵaı eń joǵary somasy bekitiledi

2021 jyldyń 20 qazan 2021 17:08

NUR-SULTAN. QazAqparat – Qazaqstanda baspana satyp alýǵa beriletin kredıttiń biryńǵaı eń joǵary somasy bekitiledi, dep habarlaıdy QazAqparat tilshisi.

Mundaı ózgeris taıaýda Memleket basshysynyń Jarlyǵymen bekitilgen «Qýatty óńirler – el damýynyń draıveri» ulttyq josparynda kózdelgen.

Atalǵan jobanyń bir baǵyty «Jaıly turǵyn úı» mindetin sheshýge baǵyttalǵan.

Jobanyń júzege asyrylýyna jaýapty QR Indýstrııa jáne ınfraqurylymdyq damý mınıstrliginiń baspasóz qyzmeti Memleket basshysy Qasym-Jomart Toqaevtyń osy jyldyń 1 qyrkúıegindegi Joldaýyna sáıkes, júzege asyrylatyn jeńildikti ıpotekalyq baǵdarlamalardyń biryńǵaı sharty qarastyrylatyndyǵyn atap ótedi.

«Bul úshin Memlekettik josparlaý júıesine sáıkes tujyrymdama qabyldanǵannan keıin bekitiletin erejeni ázirleý josparlanyp otyr. Kredıt berýdiń biryńǵaı eń joǵary somasy 15-18 mln teńge sheginde, aldyn ala turǵyn úı zaeminiń eń tómengi jarnasy 10 paıyz mólsherinde aıqyndalatyn bolady. Jeńildik baǵdarlamasyna qatysýshylar tizimi keńeıtilip, eń tómengi kúnkóristiń shekti mólsheri ulǵaıtylady», - dep atap ótedi vedomstvodan.


Joǵary qaraı