Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda kózdiń qaterli isigin emdeıtin jańa ádis qoldanyla bastady

2021 jyldyń 22 qyrkúıek 2021 13:27

ALMATY. QazAqparat - Pedıatrııa jáne balalar hırýrgııasy ǵylymı ortalyǵy Ortalyq Azııada alǵash ret retınoblastomanyń kózdi saqtaýǵa múmkindik beretin selektıvti ıntraarterııalyq hımıoterapııanyń joǵary tehnologııalyq organ saqtaý emin júrgizýdi bastaldy. Kózdiń qaterli dertinde qoldanatyn bul em kózdi, tipti kózdiń kórý qabiletin saqtaýǵa múmkindik beredi, dep habarlaıdy QazAqparat tilshisi.

Retınoblastoma - kózdiń qaterli isiginiń sırek kezdesetin túri. Bul dert balalar arasynda keń taraǵan. Retınoblastoma búkil kóz almasyn isik tinimen toltyrýmen, kórý júıkesine, kózuıasyna, mıǵa qaraı ósetin agressıvti aǵymmen sıpattalady. Іsik kórý qabiletiniń joǵalýy túrinde ǵana qaterli emes, sonymen qatar metastazdyń jáne basqa múshelerdegi ekinshi qaterli isikterdiń damýyna ákelýimen de qaýipti.

Jyl saıyn álemde retınoblastoma dıagnozymen 8100 bala tirkeledi. Onyń 570 - 810-y jańa týǵan kezde anyqtalady.

Pedıatrııa jáne balalar hırýrgııasy ǵylymı ortalyǵy usynǵan málimetke súıensek, jyl saıyn Qazaqstanda kózdiń qaterli isiginiń (retınoblastomanyń) 20-25 jańa jaǵdaıy anyqtalady. 2015 jyldan bastap retınoblastomasy bar barlyq naýqastar Pedıatrııa jáne balalar hırýrgııasy ǵylymı ortalyǵynda emdelýde.




Pedıatrııa ortalyǵynda Qazaq kóz aýrýlary ǴZI-men birge lazerli transpýpıllıarly termoterapııa, ıntravıtrealdi hımıoterapııa, krıodestrýktsııa emderi engizilgen, endi organ saqtaý ádisteriniń biri - selektıvti ıntraarterıaldy hımıoterapııa qoldanylatyn bolady.

«Pedıatrııa ortalyǵynda kózdiń qaterli isigine ota jasaý úshin barlyq jaǵdaı jasalǵan – arnaıy medıtsınalyq jabdyqtar, qondyrǵy jáne bilikti mamandarymyz bar. Qazaqstanda alǵash ret organ saqtaýǵa múmkindik beretin SIAHT operatsııasy bastaldy. Biz úshin jáne naýqas balalardyń ata-analary úshin emniń jańa túriniń engizilýi biregeı, erekshe oqıǵa. 2016 jyldyń qarasha aıynda retınoblastoma kezindegi SIAHT-tyń jańa tehnologııasyn qarastyrýǵa ótinim bergen edi. Pandemııaǵa baılanysty klınıkalyq hattama 2021 jylǵy 25 tamyzda ǵana bekitildi. Osy ýaqyt ishinde biz 2 master-klass ótkizip, 12 balaǵa operatsııa jasadyq», – deıdi dáriger-oftalmolog Elena Tıan.




Onyń aıtýynsha, Amerıka Qurama Shtattarynda jáne Eýropada 15 jyl, Reseıde 10 jyldan beri qoldanylyp kele jatqan selektıvti ıntraarterıaldy hımıoterapııa emi joǵary tıimdilikti kórsetti, kózdi organ retinde, tipti kórý qabiletin saqtaýǵa múmkindik beredi. AQSh-ta qoldaný jyldarynda kóz almasyn alyp tastaý operatsııalarynyń sany 95%-dan 8%-ǵa deıin qysqardy.




«Kózdiń qaterli dertine shaldyqqan balalardyń ata-analary kózderin saqtap qalýǵa tyrysyp, buryn sheteldik kvotamen nemese óz qarajatymen shetelge emdelýge baratyn. Endi bizdiń elimizdiń patsıentterinde óz elimizde emdelýge múmkindikteri bar. Retınoblastomanyń organ saqtaıtyn eminiń barlyq túrlerin tegin medıtsınalyq kómektiń kepildik berilgen kólemi (TMKKK) esebinen tegin ala alatyn bolady»,- dedi dáriger.














Avtor Alma Muqanova
Basty sózder: Almaty, Medıtsına,
Joǵary qaraı