Aýa raıy
Astana 14 °S
Almaty 21 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstanda koronavırýspen kúreske bólingen qarjy qalaı jumsalady

2020 jyldyń 7 shilde 2020 13:43

NUR-SULTAN. QazAqparat – Qazaqstanda koronavırýsqa qarsy kúreske bólingen qarajat naqty qandaı baǵytta jumsalady? Bul suraqqa OKQ-da ótken baspasóz máslıhatynda Densaýlyq saqtaý mınıstri Alekseı Tsoı jaýap berdi, dep habarlaıdy QazAqparat tilshisi.

Mınıstrdiń aıtýynsha, koronavırýs ınfektsııasyna qarsy kúreske 114 mlrd 826 mln teńge bólingen. Onyń 40 mlrd 58 mln teńgesi – Úkimettiń rezervinen aýdarylyp otyr.

«Osy qarajattyń 21 mlrd 184 mln teńgesi - jeke qorǵanys quraldaryn satyp alýǵa, 2 mlrd 30 mln teńgesi - dári-dármek pen medıtsınalyq buıymdardy satyp alýǵa, 2,5 mlrd teńgesi - zerthanalyq qurylǵylardy, koronavırýsty anyqtaıtyn júıelerdi satyp alýǵa, 100 mln teńgesi – koronavırýsty anyqtaıtyn reagentterdi ázirleý men shyǵarýǵa, 13,7 mlrd teńgesi – PTR-test ádisimen zerthanalyq zertteýler qyzmetine, 310 mln teńgesi – jedel járdem kólikterine otandyq óndiristegi ókpeni jasandy jeldetý apparattaryn satyp alýǵa, 131 mln teńgesi azamattardy evakýatsııalaýǵa jumsalady», - dedi Alekseı Tsoı.

Mınıstr sonymen qatar respýblıkalyq bıýdjetten 74 mlrd teńge bólingenin, onyń 19,5 mlrd teńgesi – medıtsınalyq, ınfektsııalyq, karantındik jáne provızorlyq statsıonarda medıtsınalyq qyzmet kórsetýge, 40,4 mlrd teńgesi karantın sharalaryn ótkizýge jumyldyrylǵan azamattandardy yntalandyrýǵa, 14,8 mlrd teńgesi Nur-Sultan, Shymkent jáne Almaty qalalaryndaǵy ınfektsııalyq aýrýhanalar keshenin salýǵa jumsalatynyn jetkizdi.



Joǵary qaraı