Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda koronavırýs juqtyrǵan balalardyń sany 5 ese ósken

2021 jyldyń 15 qyrkúıek 2021 10:01

ALMATY. QazAqparat - Dárigerler balalar arasynda koronavırýs indetiniń kúrt artqanyn aıtyp, dabyl qaǵyp otyr. Osy oraıda indettiń balalar boıynda qalaı ótetinin QazAqparat tilshisine №36 qalalyq emhana pedıatrııa bóliminiń meńgerýshisi Móldir Dosjan aıtyp berdi.

Dárigerdiń sózinshe, búginde koronavırýs juqtyrǵan balalar sany bes ese ósken.

«Biz ótken jyldyń naýryz-maýsym jáne osy jyldyń qańtar-maýsym aılaryndaǵy derekterdi salystyryp, aýrýdyń qanshalyqty óskenin kórdik. Eger ótken jyly 5-12 jas aralyǵyndaǵy balalar aýyrsa jáne bul balalardyń shamamen 40 %-y bolsa, búgin biz 0-18 jas aralyǵyndaǵy balalardyń juqtyrǵanyn kóremiz. Bul bólinis birkelki júrýde, bul onyń otbasylyq ortadan bolyp jatqanyn kórsetedi. ıAǵnı, munyń eń basty sebebi - epıdemııaǵa qarsy sharalardy saqtamaý. Sebebi, úsh-tórt aılyq bala dúkenge bara almaıdy, ol jerde juqtyra almaıdy. Buǵan birinshi kezekte ata-analar men týǵan-týystary jaýapty. Otbasylyq is-sharalar jalǵasýda, epıdemııaǵa qarsy is-sharalar qaǵıdattary saqtalmaıdy», - dedi spıker.

Dárigerler balalar arasynda koronavırýstyń taralý sebepterin ata-analardyń indet jaıly jetkilikti habardar emestiginen jáne vaktsınatsııa qarqynynyń tómendiginen kóredi.

«Vaktsına alǵandardyń sany óte az, al vırýs mýtatsııaǵa beıim jáne búginde onyń birneshe túri bar. Sońǵy anyqtalǵan shtamdar óte jyldam tarap jatyr. Eýropalyq ǵalymdar olardy juqtyrý boıynsha jelsheshekpen salystyrady. Sondyqtan búgingi kúni balalar arasynda aýrýshańdyqtyń ósýi baıqalady. Eger ótken jyly koronavırýs negizinen jasy úlken, 60-tan asqan, sozylmaly aýrýy bar egde adamdarda bolsa, búginde jastar men balalar aýrýǵa jıi shaldyǵyp otyr. 0-18 jas aralyǵyndaǵy balalar aýyrady»,- dep naqtylady Móldir Dosjan.

Onyń aıtýynsha, aýrýdyń klınıkalyq kórinisi ózgergen. Aýyr deńgeıdegi naýqas balalar sany 20 ese ósse, ortasha deńgeıde jaǵdaı 10 ese artqan.

«Buryn balalardyń 14%-y bizge ótpeli jótel, az bóligi ish aýrýy, dıareıa sındromy shaǵymymen kelse, búgingi kúni jetkiliksiz tynys alý qosyldy. Sondaı-aq, ortalyq júıke júıesimen (OJJ) protsesske qatysatyn balalar paıda boldy. Bul óte qaýipti! Ótken jyly biz buǵan nemquraıdy qarap «eshteńe etpeıdi, bul balalarda báribir jeńil ótedi» desek, búginde onyń balalarda aýyr ótetinin kórdik, ıaǵnı, vırýstyń patogenezi ózgerdi. Ol óziniń ınfektsııalyq faktoryn toksınemııa, ıaǵnı, ıntoksıkatsııa sındromy túrinde iske asyrady. Balalardyń kópshiligi joǵary temperatýramen, bas aýrýy, tynys alý jetkiliksizdigi, entigý, ish aýrýy, qusý, bulshyqet aýyrýy, álsizdikpen túsedi. Keıbireýlerde keıbir belgiler basym, al keıbireýlerinde bul belgiler keshende kezdesedi»,- dedi spıker.

Dáriger ásirese, sozylmaly aýrýy bar balalarǵa qıyn soǵatynyn aıtty.

«Týabitken kemistigi bar balalarǵa, onkogematologııalyq syrqaty, ımmýn tapshylyǵy bar balalarǵa qıyn. Saý balalarǵa qaraǵanda indet olarda aýyr ótedi. Sondaı-aq, aqýyz-energetıkalyq jetkiliksizdigi, semizdigi bar nemese dene salmaǵy tómen balalarǵa erekshe nazar aýdarǵan jón», - dedi dáriger.

Sondaı-aq, Móldir Dosjan jaǵdaı eresekterge de áser etse, ózińizdi qalaı ustaý kerektigin túsindirdi.

«Bizdiń elde kovıdpen aýyratyn balalardy emdeýge arnalǵan klınıkalyq hattama jasalǵan. Barlyq áreketter soǵan sáıkes júrgizilýi kerek. Munda bir másele bar, ol - ata-analardyń osy hattamany bilmeýi. Eger balańyz aýyryp qalsa, birden emhanaǵa júgirýdiń qajeti joq. Sizge tarıhty tolyq jınaý úshin ýchaskelik dáriger, medbıkeńizge qońyraý shalsańyz jetkilikti: oǵan aýrý bastalǵanda, otbasynda kim aýyrdy, baılanys boldy ma, munyń bárin emhananyń medıtsına qyzmetkerlerine aıtyńyz. Sebebi, sizde qarapaıym JRVI bolýy múmkin jáne emhanada siz koronavırýs juqtyra alasyz. Sondyqtan siz mindetti túrde ýchaskelik dárigermen nemese ýchaskelik medbıkemen baılanysta bolýyńyz kerek. Sizdiń kórsetkishterińizdiń negizinde medıtsına qyzmetkerleri arnaıy chek-paraqty toltyrady, ol baǵdarsham sekildi: sary, qyzyl jáne jasyl túspen boıalǵan. Eger chek-paraǵyndaǵy barlyq belgiler jasyl jolda bolsa, ol sizdiń aýrýyńyz sımptomsyz nemese jeńil túrde ótip jatqanyn bildiredi, bul alańdatarlyq emes. Sary sektorda klınıkanyń bar ekenin jáne sizdiń saq bolý kerektigin bildiretin sımptomdar kórsetiledi. Eger barlyq sımptomdar qyzyl sektorǵa sáıkes kelse, ol dabyl degen sóz. Osy arnaıy chek-paraqtardy toltyra otyryp, siz naqty óz is-áreketińizdi dárigermen úılestirip, durys shara qabyldaı alasyz», - dep túsindirdi M.Dosjan.

Sonymen qatar, dáriger oqýshylardyń ata-anasyna koronavırýstyń aldyn alý boıynsha usynystaryn aıtty.

«Epıdemııaǵa qarsy birneshe negizgi ereje bar. Búgin oqý protsesi oflaın rejımde uıymdastyrylsa da, araqashyqtyq erejelerin muqııat saqtaýymyz kerek. Adam kóp jınalatyn jerlerde maska kııý: sóılegen kezde adamnan silekeıdiń eń kishkentaı tamshylary bólinip shyǵady, odan bizdi tek maska qorǵaıdy. Sondyqtan maska kııý - mindetti shart. Vırýs silekeımen taralady. Qoldy sabynmen jýý jáne dezınfektsııalyq quraldardy paıdalaný - ol da mindetti shart. Eger qolyńyz kir bolsa, ony kóz, muryn jáne aýyz qýysynyń shyryshty qabyǵyna aparmańyz. Balalarǵa osyny úıretý kerek. Vırýstarmen kúresýdiń jalǵyz joly - vaktsınatsııa. Álem ony dáleldedi. Aman qalý úshin bizge vaktsına saldyrý kerek. Qorqýdyń qajeti joq», - dep qorytyndylady Móldir Dosjan.


Joǵary qaraı