Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda koronavırýs medıtsına qyzmetkerleriniń kásiptik syrqatyna teńestirilmek

2020 jyldyń 23 qazan 2020 17:52

NUR-SULTAN. QazAqparat – Qazaqstanda koronavırýs medıtsına qyzmetkerleriniń kásiptik syrqatyna teńestirilýi múmkin. Osy turǵyda dárigerlerge shyǵyn óteledi. Bul týraly QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıteti tóraǵasynyń orynbasary, bas memlekettik eńbek ınspektory Tólegen Ospanqulov málim etti, dep habarlaıdy QazAqparat tilshisi.

«Meniń oıymsha, barlyq ólshemderge tolyq saı kelse, medıtsınalyq qyzmetkerlerge qatysty atalǵan aýrý kásiptik syrqat dep sanalýy kerek. Al kásiptik syrqat bolǵandyqtan, ár jazataıym oqıǵany tıisti mekeme tekserý tıis. Sáıkesinshe, árbir jaǵdaı boıynsha qyzmetkerlerge birjolǵy tólem emes, shyǵyndy óteý eskeriledi. Bul óz kezeginde elimizdiń zańnamasynda qamtylǵan», - dedi bas memlekettik eńbek ınspektory koronavırýsqa qarsy sharalarǵa jumyldyrylǵan densaýlyq saqtaý qyzmetkerlerin áleýmettik-ekonomıkalyq turǵydan qoldaý taqyrybyna arnalǵan onlaın talqylaýda.

Osy oraıda ol eki apta buryn Eńbek mınıstrliginde qoǵamdyq tyńdaý bolǵanyn, onda hattamalyq túrde Densaýlyq saqtaý mınıstrliginde tıisti jumys tobyn qurý tapsyrmasy berilgenin aıtty. Bul jumys toby COVID-19-dy kásiptik syrtqat sanatyna engizý máselesin qarastyratyn bolady.

«Menińshe, osy turǵyda Densaýlyq saqtaý mınıstrligimen aradaǵy bizdiń jumys ońtaıly nátıje berip, tıis sheshim qabyldanady», - dedi Tólegen Ospanqulov.


Joǵary qaraı