Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda kópbalaly otbasylardy qoldaýǵa qarjylandyrý ulǵaıtyldy

2021 jyldyń 26 aqpan 2021 11:02

NUR-SULTAN. QazAqparat - 2021 jyly Qazaqstanda balaly otbasylardy áleýmettik qoldaýǵa arnalǵan qarjylandyrý kólemi ótken jylmen salystyrǵanda 120 mlrd teńgeden astam somaǵa ósti. Bul týraly Eńbek jáne halyqty áleýmettik qorǵaý mınıstrliginiń alqa májilisinde vedomstvo basshysy Serik Shápkenov málim etti, dep habarlaıdy QazAqparat tilshisi.

Mınıstr óz sózinde Qazaqstanda balaly otbasylardy áleýmettik qoldaýǵa erekshe nazar aýdarylatynyn basa aıtty.

«Elimizde jyl saıyn 400 myńnan astam bala dúnıege keledi. Ana men balany qoldaý úshin respýblıkalyq bıýdjetten jáne Memlekettik áleýmettik saqtandyrý qorynan (MÁSQ) birqatar áleýmettik tólemder kózdelgen. 2020 jyly shamamen 1,9 mıllıon adam balaly otbasylardy qoldaýǵa baǵyttalǵan somasy 635,3 mlrd teńgege 8 túrli járdemaqy men tólem aldy, bul 2019 jylǵy tólemder somasynan 71 paıyzǵa joǵary. 2021 jylǵa osy maqsatqa 755,4 mlrd teńge, onyń ishinde bıýdjetten 501,7 mlrd teńge jáne MÁSQ-tan 253,7 mlrd teńge kózdelgen», - dedi S. Shápkenov.

Sonymen qatar mınıstr eldiń barlyq óńirinde jumyspen qamtý, oqytý jáne basqa da máseleler boıynsha kómek kórsetý úshin otbasyn qoldaýǵa arnalǵan 31ortalyq ashylǵanyn jetkizdi.

Esterińizge sala keteıik, respýblıkalyq bıýdjetten mynadaı járdemaqylar tólenedi: bala týǵanda beriletin birrettik járdemaqy; bala

1 jasqa tolǵanǵa deıin onyń kútimi boıynsha aı saıynǵy járdemaqy; «Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen marapattalǵan kópbalaly analarǵa aı saıynǵy járdemaqy; kópbalaly otbasylarǵa beriletin memlekettik járdemaqy; múgedektigi bar balany tárbıelep otyrǵan adamdarǵa aı saıynǵy járdemaqy; 18 jastan asqan birinshi toptaǵy múgedektigi bar adamǵa kútim kórsetý boıynsha aı saıynǵy járdemaqy.

Mindetti áleýmettik saqtandyrý júıesine qatysýshy bolyp sanalatyn jumys isteıtin áıelder úshin MÁSQ-tan: júktilik jáne bosaný úshin birjolǵy jáne bala 1 jasqa tolǵanǵa deıin onyń kútimi boıynsha aı saıynǵy tólem tólenedi.

Budan basqa, jumys isteıtin áıelderge 1 jasqa deıingi bala kútimi boıynsha demalys kezeńinde mindetti zeınetaqy jarnasy sýbsıdııalanady.


Joǵary qaraı