Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda komplaens mamandaryn daıarlaý qolǵa alyndy

2021 jyldyń 21 qyrkúıek 2021 13:20

NUR-SULTAN. QazAqparat – Otandyq komplaens-qyzmetkerlerdi oqytyp, daıarlaý bastaldy. Bul týraly «Samuryq-Qazyna» ulttyq ál-aýqat qory AQ-nyń komplaens qyzmetiniń basshysy Dáýren Aqshalov málim etti, dep habarlaıdy QazAqparat tilshisi.

«Búginnen bastap bizdiń korporatıvtik ýnıversıtette kvazımemlekettik uıymdardyń komplaens-qyzmetkerlerin oqytý bastaldy. Atalǵan bastama QR Sybaılas jemqorlyqqa qarsy is-qımyl agenttigimen birlesip, elimizde atalǵan jańa qyzmetti ilgeriletý maqsatynda qolǵa alyndy. Sebebi bul qyzmetke maman tabý óte qıyn, ony óz basymnan bilemin. Onyń ústine komplaens-qyzmeti elimizde endi engizilip jatyr, keıbir kvazımemlekettik uıymdar onyń túpki maqsatyn túsine qoımaıdy. Shetelde bul qyzmet túri alǵa qoıylǵan, árıne olar jetistikke bir kúnniń ishinde qol jetkizgen joq. Bul kópjyldyq protsess pen tájirıbe», - dedi Dáýren Aqshalov QR Sybaılas jemqorlyqqa qarsy is-qımyl agenttiginde ótken AntikorLive jobasynyń efırinde.

Onyń aıtýynsha, komplaens-qyzmetkerine qoıylatyn basty talaptyń biri adammen til tabysa alý.

Sondaı-aq, spıker komplaens-qyzmetkerdiń mindetine keń aýqymdy derektermen jumys istep, taldaý júrgizý kiretinin málim etti.

Buǵan deıin Dáýren Aqshalov atalǵan qyzmettiń maqsaty men onyń ne úshin qajet ekendigi týraly aıtyp bergen edi.



Joǵary qaraı