Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda kollektorlar qylmystyq jaýapqa tartylýy múmkin - Úkimet otyrysy

2021 jyldyń 23 qarasha 2021 11:02

NUR-SULTAN. QazAqparat – Elimizde kollektorlardy qylmystyq jaýapqa tartý múmkindigi qarastyrylyp jatyr. Bul týraly QR Qarjy naryǵyn retteý jáne damytý agenttigi tóraǵasynyń orynbasary Oleg Smoıakov Úkimet otyrysynda málim etti, dep habarlaıdy QazAqparat tilshisi.

«Qarjylyq qyzmet tutynýshylarynyń quqyǵyn qorǵaýdy kúsheıtý úshin bıyl bizdiń agenttik zańnamalyq túzetýler engizý bastamasyn kóterdi. Nátıjesinde retteýshilik sıpattaǵy sharalar qabyldandy. Atap aıtar bolsaq, bıyl mamyrda banktik, mıkroqarjy jáne kollektorlyq qyzmetti retteý máseleleri boıynsha zań qabyldandy. Jańa zańda bankter men mıkroqarjy uıymdar aldyndaǵy azamattardyń merzimi ótken bereshegin qaıtarý tártibi qaıta qaralǵan. Sondaı-aq bankterdiń barlyq ıpotekalyq qaryzdar boıynsha syıaqylary, turaqsyzdyq aıyby, komıssııalar men ózge de tólemder tóleýdi talap etýine tyıym salý engizilgen», - dedi Oleg Smolıakov.

Sonymen qatar agenttik basshysynyń orynbasary kollektorlar úshin qosymsha shekteýler engizilgenin aıtyp ótti.

«Prezıdenttiń tapsyrmasy boıynsha kollektorlyq uıymdardyń zańsyz áreketterinen azamattardyń quqyqtaryn qorǵaý maqsatynda bizdiń agenttik kollektorlyq agenttik qyzmetkerlerine qatysty ákimshilik jáne qylmystyq jaýapkershilikti qarastyrýdy usynyp otyr. Búginde Bas prokýratýra usynys jasalyp, kollektorlar qyzmetin retteýdi qatańdatý boıynsha qosymsha sharalar pysyqtalyp jatyr», - deıdi ol.


Joǵary qaraı