Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda qaterli isikke qarsy dári-dármek shyǵarý josparlanyp otyr

2021 jyldyń 29 qarasha 2021 22:00

JENEVA. QazAqparat - QR Densaýlyq saqtaý mınıstri Alekseı Tsoı Qasym-Jomart Toqaev bastaǵan memlekettik delegatsııa quramynda jumys saparymen Shveıtsarııada júr, dep habarlaıdy QazAqparat mınıstrliktiń saıtyna silteme jasap.

Búgin Jenevada Memleket basshysynyń sapary aıasynda Qazaqstan-Shveıtsarııa bıznes-forýmy ótti. Forýmda Qazaqstan Respýblıkasynyń Prezıdenti Qasym-Jomart Toqaev pen Roche farmatsevtıkalyq kompanııalar toby dırektorlar keńesiniń tóraǵasy Krıstof Frants QR Densaýlyq saqtaý mınıstrligi men Roche kompanııasy arasynda strategııalyq áriptestik týraly negizdemelik kelisimge qol qoıylǵan kezdesý ótkizdi.




Negizdemelik kelisim Qazaqstan Respýblıkasynyń aýmaǵynda farmatsevtıkalyq ónerkásipti damytý jáne dárilik zattardyń jergilikti óndirisiniń úlesin ulǵaıtý, atap aıtqanda, onkologııalyq aýrýlardy emdeýge arnalǵan dárilik zattar óndirisin oqshaýlaý jónindegi jobany iske asyrý maqsatynda QR Densaýlyq saqtaý mınıstrligi men Roche kompanııasy arasyndaǵy yntymaqtastyqtyń qaǵıdattary men nıetin belgileýge baǵyttalǵan.

Qymbat baǵaly ınnovatsııalyq ónimder óndirisin damytý, salany tehnologııalar transferi, biregeı dárilik zattardy oqshaýlaý jáne sýbstantsııalar óndirisi baǵytynda ilgeriletý búgingi kúni sala úshin mańyzdy mánge ıe.

Otandyq óndiristi damytý úshin qýatty yntalandyrý - BIGPHARMA TOP-50 iri álemdik farmatsevtıka ındýstrııasymen ózara is-qımyldy damytý.

Sondaı - aq, QR Densaýlyq saqtaý mınıstrliginiń basshysy Sandoz-tiń Eýropa boıynsha basshysy jáne Sandoz Atqarýshy komıtetiniń múshesi Rebekka Gýnternmen kezdesý ótkizdi, onda QR-da dárilik zattar-generıkter men bıosımılıarlar óndirisin oqshaýlaý boıynsha jobany iske asyrý máseleleri talqylandy.
Sonymen qatar, QR DSM basshysy Alekseı Tsoı «m-3 Group» holdınginiń prezıdenti Abdalla Shatılamen kelissózder júrgizdi.




Taraptar birlesken yntymaqtastyqqa qyzyǵýshylyq tanytyp, «m-3 Group» holdınginiń usynystaryn qaraýǵa daıyn ekendikterin bildirdi.

Esterińizge sala keteıik, QR Densaýlyq saqtaý mınıstrligi men «m-3 Group» holdınginiń ókilderi arasynda yqtımal yntymaqtastyq máselelerin talqylaý boıynsha onlaın-kezdesý ótti.

Kezdesý aıasynda QR BǴM «Bıologııalyq qaýipsizdik problemalarynyń ǴZI» men holdıng arasynda Medıtsınalyq jáne veterınarııalyq vaktsınalardy óndirý men eksporttaýdy uıymdastyrý úshin yntymaqtastyq týraly memorandýmǵa qol qoıyldy.

Aıta keteıik, F. Hoffmann-La Roche kompanııalar tobyna kiretin shveıtsarııalyq Roche holdıngi-farmatsevtıka jáne dıagnostıka salasyndaǵy álemdik kóshbasshylardyń biri.

Onkologııa, vırýsologııa, revmatologııa jáne transplantologııa salasynda bıotehnologııalyq dárilik preparattardyń jetekshi óndirýshileriniń biri bolyp tabylady.

1896 jyly Bazelde qurylǵan. Álemniń 150 elinde ókildikteri jáne 90 myń qyzmetkerden turatyn shtaty bar.

Qazaqstanda 1993 jyly kompanııanyń ókildigi quryldy, al 2013 jyldan bastap holdıngtiń múddesin «Rosh Qazaqstan» JShS usynady.

Sandoz AG ınfektsııalyq, dermatologııalyq, onkologııalyq, respıratorlyq aýrýlardy jáne adamnyń júrek – qantamyr jáne ortalyq júıke júıesiniń buzylystaryn emdeýge arnalǵan bıosımılıarlar men djenerıkter - qaıta óndirilgen dárilik zattardy ázirleý men óndirýde álemdik kóshbasshy bolyp tabylady. SANDOZ dári-dármekterin álemniń 140 elinde 500 mıllıonnan astam adam paıdalanady. 2019 jyly kompanııanyń satý kólemi 9,7 mlrd.

«M3Group» holdıngi óz qyzmetin 1950 jyldan bastap densaýlyq saqtaý, jyljymaıtyn múlik, qonaq úı bıznesi jáne qaýipsizdik qyzmetteri sııaqty 4 salada júzege asyrady.

Kompanııada Shveıtsarııada koronavırýs ınfektsııasyna qarsy vaktsınatsııa ortalyqtarynyń jelisi bar.

Sondaı-aq, Shveıtsarııa men Frantsııada jylyna 350 mıllıon maska shyǵaratyn medıtsınalyq maskalar shyǵaratyn zaýyttar iske qosyldy.

Holdıng Qazaqstandyq naryq pen eksport úshin Qazaqstanda «QazVac» vaktsınasyn óndirýge nemese ony shetelde (Shveıtsarııada nemese Frantsııada) óndirýge lıtsenzııa alýǵa múddeli.






Joǵary qaraı