Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda kásipkerlerge arnalǵan tsıfrlyq júıe iske qosylady

2022 jyldyń 25 qańtar 2022 21:14

NUR-SULTAN. QazAqparat – Elimizde kásipkerlerge arnalǵan jańa tsıfrlyq júıe paıda bolady. Bul týraly «Atameken» ulttyq kásipkerler palatasynyń basqarma tóraǵasy Abylaı Myrzahmetov málim etti, dep habarlaıdy QazAqparat tilshisi.

«Bárimizge aıan, búginde tsıfrlandyrý mańyzdy ári kerek sala. Olsyz jumys ónbeıdi. Osyǵan oraı biz bıyl 1-toqsannyń sońyna deıin kásipkerlerge arnalǵan tsıfrlyq júıeni iske qosamyz. Bir mezette 1,5 mln kásipker júıege qosyla alady. Demek endigi ýaqytta ár kásipker bizben tikeleı baılanysta bola alady. Sol arqyly biz kásipkerlerdiń máselesimen qatar usynys, ıdeıasyn bilip otyramyz», - dedi Abylaı Myrzahmetov Facebook paraqshasyndaǵy tikeleı efır barysynda.

«Atameken» UKP basshysynyń málimdeýinshe, kásipkerler jańa tsıfrlyq júıege jeke kabınet arqyly qosyla alady.

«Taǵy bir jaıtpen bólise keteıin, biz kedeılikpen kúres, halyqtyń tabysyn kóterý jáne otandyq kadrlardy daıarlaý boıynsha baǵdarlama ázirledik. Ony taıaýda tanystyramyz jáne jurtshylyqtyń talqysyna salynady», - deıdi ol.

Sondaı-aq, tikeleı efır kezinde bıyl naýryzda kásipkerlerdiń respýblıkalyq sezin ótkizý jospary týraly aıtyldy.

Buǵan deıin A. Myrzahmetov kásipkerler arasynda anonımdi saýalnama júrgizilgenin jáne olardyń ótinish-tilegi Prezıdent pen Úkimetke jetkizilgenin aıtty.

Aıta keteıik, jappaı tártipsizdikter saldarynan qujaty joıylyp ketken kásipkerlerge tólemaqy qalaı beriletini habarlandy.

Odan bólek, jappaı ereýilder kezinde zalal kelgen kásipkerlerge tólemaqy qashan berile bastaıtyny belgili boldy.


Joǵary qaraı