Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda qant eksportyna 6 aılyq tyıym engizilmek

2022 jyldyń 13 mamyr 2022 10:13

NUR-SULTAN. QazAqparat – QR Aýyl sharýashylyǵy mınıstrligi Qazaqstan aýmaǵynan qant pen shıki qantty syrtqa shyǵarýǵa 6 aı merzimge tyıym salatyn buıryq jarııalady, dep habarlaıdy QazAqparat tilshisi.

«Aq qantty jáne quraq qanty shıkizatyn áketýdiń keıbir máseleleri týraly» Qazaqstan Respýblıkasy Aýyl sharýashylyǵy mınıstriniń 2022 jylǵy 4 mamyrdaǵy № 140 buıryǵy ( buıryqqa silteme) 2022 jylǵy 23 mamyrdan bastap kúshine enedi jáne 2022 jylǵy 23 qarashaǵa deıin qoldanylady.

«Qazaqstan Respýblıkasynyń aýmaǵynan qant pen shıki qantty alyp shyǵýǵa 6 aı merzimge tyıym salýdy buıyramyn», - dep jazylǵan qujat mátininde.

Sondaı-aq bul qujat atalǵan sheshim týraly málimetti Eýrazııa ekonomıkalyq komıssııasyna habarlaý Aýyl sharýashylyǵy mınıstrliginiń mindeti ekenin aıqyndaıdy.

«Buıryq resmı jarııalanǵannan keıin 10 kúnnen soń kúshine enedi», - dep jazylǵan qujatta. Buıryq mátini búgin jaryq kórgenin eskersek, 23 mamyrda kúshine enedi degen sóz.

Buǵan deıin QR Aýyl sharýashylyǵy mınıstri Erbol Qarashókeev Qazaqstan qant ımportyn 32 paıyzǵa tómendetetinin málim etken edi.


Joǵary qaraı