Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda qansha oqýshy koronavırýsqa qarsy vaktsına aldy

2022 jyldyń 17 qańtar 2022 16:57

NUR-SULTAN. QazAqparat – Qazaqstanda qansha mektep oqýshysy COVID-19-ǵa qarsy vaktsına alǵany belgili boldy, dep habarlaıdy QazAqparat tilshisi.

«Búginde 353,5 myń oqýshy (12 men 18 jas aralyǵy) koronavırýsqa qarsy vaktsınanyń birinshi komponentin aldy. Bul elimiz boıynsha ekpe alýǵa ruqsat etilgen jasóspirimderdiń 27,7 paıyzyn quraıdy. Ekinshi komponentti 182 257 oqýshy aldy. Paıyzben shaqqanda 14,5 quraıdy. Jasóspirimder arasynda vaktsına alý jaǵynan kóshti Túrkistan oblysy bastap tur. Ondaǵy oqýshylardyń 90 paıyzy ekpeniń birinshi komponentin aldy. Odan keıin ShQO tur. Atalǵan oblysta jasóspirimderdiń 82 paıyzy vaktsına saldyrdy», - dedi QR Densaýlyq saqtaý mınıstrligi tamaqtaný, tárbıe jáne bilim berý obektilerin baqylaý jáne qadaǵalaý basqarmasynyń basshysy Maral Rahymjanova Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, oqýshylar arasynda vaktsına alý protsesi qarqyndy júrip jatqanyna qaramastan mektepte karantın talaptary saqtalýy tıis.

«Mektep jáne mektepke deıingi bilim berý mekemelerinde saqtyq sharalaryn esten shyǵarmaý kerek. Tazalyq jumystary, maska taǵý jáne araqashyqty saqtaýdy umytpaǵan jón. Sondaı-aq eldegi epıdjaǵdaıǵa baılanysty mektep qabyrǵasynda kópshiliktiń qatysýymen ótetin is-sharalar ótkizýge tyıym salynady», - deıdi ol.

Atalǵan brıfıngide Bilim mınıstrligi 3-toqsanda oqýshylardyń bilim alý formatyna qatysty túsinik berdi.

Sondaı-aq mınıstrlik 1-2 synyp oqýshylaryn dástúrli formatta oqytýdy usyndy.

Odan bólek, «elde bolǵan jappaı tártipsizdikterge baılanysty mektepte oqý jyly sozylýy múmkin be?» degen saýalǵa jaýap berildi.


Joǵary qaraı