Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda ıpotekalyq qaryz boıynsha kepilde turǵan úıdi óndirip alýǵa tyıym salynbaq

2021 jyldyń 23 qazan 2021 10:58

NUR-SULTAN. QazAqparat – Qazaqstanda ıpotekalyq qaryz boıynsha kepilde turǵan turǵyn úıdi jeke atqarýshylyq is júrgizýden tys óndirip alýǵa tyıym salynbaq.

Bul jaıynda Májilis depýtattarynyń saýalyna QR Qarjy naryǵyn retteý jáne damytý agenttiginiń tóraǵasy Mádına Ábilqasovanyń jaýabynda aıtylǵan, dep habarlaıdy QazAqparat tilshisi.

«Memleket basshysy osy jylǵy 22 qyrkúıekte Úkimetke Ulttyq bankpen jáne agenttikpen birlesip, 2021 jylǵy 1 qarashaǵa deıin atqarýshylyq is júrgizý, jeke sot oryndaýshylarynyń jumysy, ekinshi deńgeıdegi bankterdiń baǵalaý qyzmeti men kepildik saıasatyn retteý aıasynda qatynastardy jetildirý boıynsha zańnamalyq jáne normatıvtik túzetýler toptamasyn 2022 jylǵy 1 qańtardan bastap qoldanysqa engize otyryp, ázirleýdi tapsyrdy. Zańnamalyq túzetýlerdiń negizgi ázirleýshisi bolyp Qazaqstan Respýblıkasynyń Ádilet mınıstrligi aıqyndaldy. Qazirgi ýaqytta kepil múlkin, onyń ishinde jyljymaıtyn múlikti satý rásimderi jyljymaıtyn múlik ıpotekasy jáne atqarýshylyq is júrgizý týraly zańnamalyq aktilermen, sondaı-aq Qazaqstan Respýblıkasynyń Azamattyq kodeksimen jáne QR Azamattyq protsestik kodeksimen reglamenttelgen. Kepil múlkin ótkizýdiń qoldanystaǵy praktıkasyna júrgizilgen taldaý ótkizý rásimine jáne saýda-sattyqqa qatysýshylarǵa qoıylatyn qazirgi talaptar aýktsıonnyń ashyqtyǵyn jáne ótkiziletin múlikke baǵa belgileýdiń obektıvtiligin qamtamasyz etpeıtinin kórsetti», - dedi ol.

Onyń atap ótýinshe, osyǵan baılanysty, ázirlenetin zań jobasynyń aıasynda azamattardyń quqyqtaryn qorǵaýdy jetildirý boıynsha mynadaı qosymsha is-sharalar kózdelgen:

1) múlikti kepil berýshiniń úsh aılyq merziminde óz betimen ótkizýin kepil múlkin sot arqyly jáne sottan tys ótkizý aıasynda mindetti rásim etý, ótkizý qunynyń shegin keminde 75 paıyz jáne baǵalaý kúninen 6 aıdan asa ýaqyt ótpegen kepildiń baǵalaý qunynyń 100 paıyzynan artyq bolmaıtyndaı etip belgileý;

2)atqarýshylyq is júrgizý aıasynda turǵyn úı jyljymaıtyn múlkin satýdy tómendetýdiń shekti ólshemin baǵalaý qunynyń 75 paıyzynan kem bolmaıtyndaı etip belgileý;

3) kepilde turǵan jyljymaıtyn múlikti sot arqyly nemese sottan tys ótkizý aıasynda onyń ishinde kredıtorǵa, onyń qyzmetkerlerine jáne úlestes tulǵalaryna; eger saýda-sattyqtyń ekinshi qatysýshysy onyń jaqyn týysy, zaıyby (jubaıy) bolsa jeke tulǵanyń saýda-sattyqqa qatysýyna tyıym salý;

4) ıpotekalyq qaryz boıynsha kepilde turǵan turǵyn úıdi jeke atqarýshylyq is júrgizýden tys kepil ustaýshylardyń nemese sot oryndaýshylarynyń ótinishteri boıynsha óndirip alý múmkindigin boldyrmaý;

5) baǵalaýshylardyń biliktiligi men jaýapkershiligine qoıylatyn talaptardy kúsheıtý;

6) jeke tulǵanyń baspanasymen qamtamasyz etilgen ıpotekalyq qaryzdar boıynsha kepil qunyna qatysty bereshektiń mardymsyzdyǵyn aıqyndaý shegin ulǵaıtý.

«Qazaqstan Respýblıkasynyń Ádilet mınıstrligi tıisti túzetýlerdi odan ári osy jylǵy 1 qarashaǵa deıingi merzimde Qazaqstan Respýblıkasy Parlamentiniń Májilisine engizý úshin 2021 jylǵy 15 qazanda Qazaqstan Respýblıkasy Premer-Mınıstri Keńsesine engizdi», - dedi Mádına Ábilqasymova.


Avtor Marlan Jıembaı
Basty sózder: Ipoteka, Ekonomıka, Bankter, Parlament,
Joǵary qaraı