Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda Ilon Mask kompanııasynyń spýtnıktik ınterneti synaqtan ótkizilmek

2021 jyldyń 6 jeltoqsan 2021 23:25

NUR-SULTAN. QazAqparat – Keler jyly elimizde álemdegi eń baı adamdardyń biri Ilon Mask basqaratyn kompanııanyń spýtnıktik ınterneti synaqtan ótkizilmek. Bul týraly QR Tsıfrlyq damý, qorǵanys jáne aeroǵarysh ónerkásibi mınıstrligi aeroǵarysh komıtetiniń tóraǵasy Baýbek Oralmaǵambetov málim etti, dep habarlaıdy QazAqparat tilshisi.

Ortalyq kommýnıkatsııalar qyzmeti alańynda ótken baspasóz máslıhaty barysynda tilshi: «Qazaqstandyqtardy sapaly ınternetpen qamtý maqsatynda AQSh mıllıarderi Ilon Masktyń kompanııasymen kelisim qalaı júrip jatyr? Elimizde atalǵan kompanııanyń spýtnıktik ınternetin testileý jumysy bastaldy ma?», - degen suraq qoıdy.

Suraqqa QR Tsıfrlyq damý, qorǵanys jáne aeroǵarysh ónerkásibi mınıstrligi aeroǵarysh komıtetiniń tóraǵasy Baýbek Oralmaǵambetov jaýap berdi.

«Búginde elimizdegi spýtnıktik ınternet jáne televızııalyq taratýdy «KazSat-2» jáne «KazSat-3» spýtnıgi qamtamasyz etip otyr. Qazir álemde aman talaby men suranysyna saı sapaly jáne joǵary jyldamdyqtaǵy ınternet usynatyn kompanııalardyń qatary kóbeıip keledi. Jalpy sapaly ınternet týraly áńgime qozǵaıtyn bolsaq, onymen aınalysatyn búginde álemde 3 iri kompanııa bar. Ol One Web, SES jáne Starlink (SpaceX) kompanııasy. Bıyl elimizde One Web kompanııasymen birlesip 2 ret tehnıkalyq turǵydan testileý júrgizdik. ıAǵnı ınterttiń jyldamdyǵy men tehnıkalyq sáıkestigin synaqtan ótkizdik. Bul baǵyttaǵy jumys pılottyq joba retinde jalǵasa beredi», - dedi B. Oralmaǵambetov.

Onyń aıtýynsha, 2022 jyly Qazaqstanda jańa spýtnıktik ınternet qyzmeti synaqtan ótkiziledi.

«SES» týraly aıtar bolsaq, bul kompanııanyń spýtnıktik ınternet qyzmetin Almaty oblysynda synaýdy taıaýda ǵana bastadyq. Búginde synaq jalǵasyp jatyr. Starlink kompanııasyna kelsek, ol boıynsha keler jyldyń birinshi toqsanynda pılottyq joba retinde elimizde iske asyrý jospary tur. Búginde atalǵan kompanııamen kelisimge kelip jatyrmyz. Odan ári júzege asyrylyp jatqan pılottyq jobalardyń nátıjesi men kórsetkishine qaraı naqty sheshim qabyldanatyn bolady» - deıdi ol.

Joǵary qaraı