Aýa raıy
Astana -11 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda frılanserlerge arnalǵan akselerator iske qosyldy

2020 jyldyń 27 qazan 2020 21:52

NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstrligi Astana Hub jáne Qaraǵandy «Terrıkon alqaby» IT-habymen birlesip, 2 qarashadan bastap IT kompanııalar men frılanserler úshin akseleratsııalyq baǵdarlamany iske qosady, dep habarlaıdy QazAqparat tilshisi.

Mınıstrlik baspasóz qyzmetiniń málimetinshe, akselerator halyqaralyq naryqqa shyǵýdy josparlap otyrǵan IT kompanııa men frılanserler úshin 6 jáne 4 aptalyq tegin oqý kýrsyn qamtıdy.

«Osy joba bizdiń mamandarǵa syrtqy naryqtarda, shetelde suranysqa ıe bolýǵa múmkindik beretin bilim men quzyrettilik qoryn qalyptastyrýǵa baǵyttalǵan. Arnaıy komıssııa portfolıo boıynsha 30 qatysýshyny tańdaıdy. Ony joba saıtynda saýalnama derekterin toltyrý arqyly usyný qajet», - dep túsindirdi vedomstvonyń IT damytý departamentiniń dırektory Darhan Ahmedıev.

Oqytý baǵdarlamasy dáristerden, vorkshoptardan, mentorlarmen jáne sarapshylarmen biruatar taqyryp boıynsha jumystan turady.

Baǵdarlama qatysýshylary - baǵdarlamalyq qamtylym, saıt, mobıldi qosymshany tapsyrys berýge ázirleý; UX/UI boıynsha qyzmet kórsetý; dızaın nemese brendıng jasaý; digital marketıng boıynsha qyzmetter usynatyn IT kompanııalar men frılanserler.

Baǵdarlamaǵa qatysý úshin ótinimdi 31 qazanǵa deıin jiberýge bolady. Oqytý onlaın arqyly júrgiziledi.

IT kompanııalary úshin oqýdyń bastalýy 2 qarashadan, al frılanserler úshin 9 qarashadan bastalady.

Myna siltemede tirkelýge jáne baǵdarlamamen tanysýǵa bolady.


Joǵary qaraı