Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda etno-medıatsııa ortalyǵy paıda bolmaq

2021 jyldyń 16 qarasha 2021 18:47

NUR-SULTAN. QazAqparat – Elimizde ultaralyq kıkiljińniń aldyn alý jáne bolǵan jaǵdaıda máseleni tezarada sheshý maqsatynda etno-medıatsııa ortalyǵyn qurý josparlanyp jatyr. Bul týraly Qazaqstan halqy Assambleıasy tóraǵasynyń orynbasary Marat Ázilhanov málim etti, dep habarlaıdy QazAqparat tilshisi.

«Elimizde etnosaıası shıeleniske qatysty máselelerdi sheshetin jáne onyń mán-jaıyna tereń úńiletin mamandar joq degen qaýeset bar. Osy oraıda bul másele kún tártibinde bolýy tıis. Bul jerde medıatsııa qyzmetiniń róli zor jáne ol 2 baǵytta jumys isteýi kerek. Birinshi baǵyt, aldyn alý sharalary, ıaǵnı túsindirý jumystary. Ekinshi baǵyt, bolǵan shıelenis jaǵdaıdyń saldaryn anyqtap joıý. Búgin bar medıatorlardyń etno-medıatsııa boıynsha máseleni qolǵa alýǵa qanshalyqty kásibı daıyn ekenin men aıta almaımyn. Sondyqtan etno-medıatorlardy daıarlaıtyn bolamyz. Ol kópshilikke sózi ótetin aqsaqal bolýy múmkin nemese qoǵamdyq pikir kóshbasshysy. Esterińizde bolsa, Memleket basshysy, QHA-nyń tóraǵasy Qasym-Jomart Toqaev óz sózinde ultaralyq shıelenisti boldyrmaýda medıatsııa qyzmetiniń mańyzdy ekenin jıi aıtady», - dedi Qazaqstan halqy Assambleıasy tóraǵasynyń orynbasary Marat Ázilhanov.

Onyń aıtýynsha, elimizde kásibı etno-medıatorlardy daıarlaıtyn ýaqyt jetti.




«Ázirge jospar ǵana, degenmen elimizde etno-medıatsııa ortalyǵyn qurý oıymyz bar. Jáne atalǵan ortalyqtyń qoldanbaly etnosaıası zertteýler ınstıtýtynyń janynan qurylýyn josparlap otyrmyz. Kelesi másele, ol ortalyqqa mamandardy daıarlaý. Jáne olar jaı ǵana medıatr emes, kelissóz júrgizýshi jáne úılestirýshi bolǵany jón. Ol maman nege úılestirýshi bola bilýi kerek, sebebi ultaralyq shıelenis týyndaǵan jaǵdaıda medıatr ekijaqpen ǵana emes jergilikti ákimshilik jáne quqyq qorǵaý organy ókilderimen tyǵyz baılanysta jumys isteı bilýi qajet», - deıdi ol.

Aıta keteıik, búgin eldordada Qazaqstan halqy Assambleıasynda respýblıkalyq medıatsııa keńesiniń otyrysy ótti.

Atalǵan sharaǵa QHA-nyń músheleri, quzyrly organ ókilderi men medıatsııalyq ortalyq ókilderi qatysty.


























Joǵary qaraı