Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda et qymbattaýy múmkin – mınıstrlik

2021 jyldyń 18 qazan 2021 19:01

NUR-SULTAN. QazAqparat – QR Aýyl sharýashylyǵy mınıstri Erbol Qarashókeev et baǵasyna qatysty óz boljamyn aıtty, dep habarlaıdy QazAqparat tilshisi.

«Et ónimi kólemine toqtalsaq, Qazaqstannyń aýyl sharýashylyǵy kesheni jalpy etke suranysty 100 paıyz tolyq qamtyp otyr. Onyń ishinde sıyr eti boıynsha – 97 paıyz, qoı etin – 100 paıyz, jylqy eti – 97,5 paıyz óz-ózimizdi qamtyp otyrmyz. Іshki naryqtaǵy etke suranys tolyǵymen ózimiz óndiretin kólemmen jabylyp otyr. Shetelden ımporttalatyn et kólemi asa kóp emes», - dedi mınıstr ortalyq kommýnıkatsııalar qyzmetinde ótken baspasóz máslıhatynda.

Mınıstrdiń aıtýynsha, et baǵasy ósýi yqtımal degen boljamdar bar.

«Bıyl ózderińiz kórip otyrǵandaı jemshóp baǵasy da ósip otyr, sol úshin et baǵasy qymbattaýy yqtımal. Sebebi et óndiretin sharýa qojalyqtary da óz shyǵynyn jabýy kerek. Qatty ósim bolmaıtyn shyǵar degen úmittemiz. Eń bastysy - etten tapshylyq bolmaıdy, sebebi maldyń da basy ósip jatyr, iri qara maldy alsaq, 3,6 paıyz ósim bar. Negizinen et kólemi jetkilikti bolady», - dep túsindirdi Aýyl sharýashylyǵy mınıstri.

Buǵan deıin E. Qarashókeev qýańshylyqta Mańǵystaý men Qyzylorda oblystaryna qandaı kómek kórsetilgenin aıtqan edi.


Joǵary qaraı