Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda er adamdardyń jalaqysy áıelderge qaraǵanda joǵary

2021 jyldyń 14 jeltoqsan 2021 11:51

NUR-SULTAN. QazAqparat – Qazaqstanda er adamdardyń aılyq tabysy áıelderge qaraǵanda 22% kóp. Bul týraly Energyprom jazdy, dep habarlaıdy QazAqparat tilshisi.

Aqparat resýrsy bıyl eldegi áıelderdiń ortasha nomınaldy aılyǵy qansha bolǵanyn eseptep, erlerdiń aılyǵymen salystyrǵan.

«Bıyl áıelderdiń ortasha nomınaldy jalaqysy 202,3 myń teńge boldy. Salystyrsaq, erlerdiń kórsetkishi 246,3 myń teńgege jetken. Birdeı salada jumys isteıtin erler áıelderge qaraǵanda 21,7% joǵary jalaqy alady. Ásirese balyq aýlaý jáne akva sharýashylyqta (70,7%), qarjy jáne saqtandyrý qyzmetinde (46,6%), ákimshilik jáne qosalqy qyzmet kórsetý salasynda (31,2%), taý-ken ónerkásibinde (27,2% aıyrmashylyq joǵary», - dep jazylǵan taldaýda.

Tabys teńsizdigin basqa quraldar arqyly óteý úshin «Otbasy Banktiń» «Umaı» ıpotekasyn iske qosqany da aıtylady. Bul shara Azııa damý bankiniń qoldaýymen iske asyp otyr.

Budan ári Energyprom «Umaı» baǵdarlamasyn eldegi ekinshi deńgeıli bankteri usynatyn nesıe ónimderimen salystyrǵan.

Aıta keteıik, Qazaqstan bıyl genderlik teńdiktiń jahandyq reıtınginde 156 memleket arasynan 80-shi orynǵa taban tiredi.

«Reıtıngide Qazaqstannan joǵary turǵan elderdiń ishinde Ýkraına men Belarýs te bar. Ázirge genderlik teńdik deńgeıi boıynsha Qazaqstan Reseımen birge Taıland pen Tanzanııa arasynda qalyp otyr», - dep jazady Energyprom.


Joǵary qaraı