Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda eki jyldan beri avtokólikpen jolaýshy tasymaldaý azaıyp keledi

2022 jyldyń 24 qańtar 2022 11:30

NUR-SULTAN. QazAqparat - 2021 jyldyń qańtar-qarasha aılarynda elde avtomobıl jáne qalalyq elektr kóligimen 6,6 mlrd adam tasymaldandy — bul bir jyl burynǵyǵa qaraǵanda 17,1% az. «Koronadaǵdarysty» 2020 jyly kórsetkish 8 mlrd adamdy qurady, dep habarlaıdy QazAqparat energyprom.kz saıtyna silteme jasap.

Óńirlik bóliniste jolaýshylardyń basym bóligi Almatyǵa tasymaldandy: 1,8 mlrd adam nemese QR-daǵy jalpy kórsetkishtiń 27,8%. Aldaǵy úshtikke Qostanaı jáne Pavlodar oblystary da kirdi. Eń az jolaýshy Mańǵystaý oblysyna jetkizildi.

2021 jyldyń on bir aıynda Qazaqstandaǵy barlyq jolaýshylar tasymalynyń úshten ekisi avtobýspen tasymaldanǵan: 4,4 mlrd adam - bir jyl burynǵyǵa qaraǵanda 21,1% az. Qazaqstandyqtar arasynda taksı qyzmeti de keńinen qoldanylady: 2,2 mlrd adam, bir jylda mınýs 8,5%.

Tramvaı qyzmetin 25,5 mln adam, trolleıbýsty 24,8 mln adam paıdalanǵan.

3 mlrd tonna júk pen bagaj tasymaldandy — bir jyl burynǵyǵa qaraǵanda 0,4% kem. Júk aınalymy 2%, 141,8 mlrd tonnakılometrge deıin qysqardy.

2021 jylǵy qańtar–qarashada kásiporyn kiristeri bir jylda 23,9%, 275,1 mlrd teńgege deıin ósti. Onyń ishinde júk tasymaldaýdan túsken tabys 190,7 mlrd teńgeni, jolaýshylar tasymaldaýdan túsken kiris — 84,4 mlrd teńgeni qurady.

Avtobýspen tasymaldaýdan túsken tabys 74,2 mlrd teńgeni, taksı qyzmetinen - 3,9 mlrd teńgeni, tramvaıdan - 1,6 mlrd teńgeni, trolleıbýstan - 1,5 mlrd teńgeni qurady.


Basty sózder: Ekonomıka, Qoǵam, Jol, Kólik,
Joǵary qaraı